Nyaraga cĩ ẽẽn Codoi cĩ eheedi Paulo
Lemnyiok cĩk Kelethia cĩ Thẽthalonika
Yelinit cĩ Nyaraga cĩ ẽẽn Codoi cĩ Thẽthalonika
Ẽẽn balna Paulo tionniait cĩ Yesu Kiristo, wũ balna eheedi Nyaraga coo lemnyiok cĩk kelethia cĩ kõrõõk cĩ gaalawu cĩ Thẽthalonika. Ẽẽn balna Thẽthalonika kõrõõk cĩ gaalawu cobbi cĩ looc cĩ Makedonia, cĩ aavĩ looca cĩ Girihi tõõna cĩ lootu. Ithiananĩ balna Paulo kelethia Thẽthalonika, ĩthõng thĩ, uungni balna kẽnnẽ nẽ nginicẽ tamanoko, nyatarka balna adiim ngĩ uuk eeta cĩk ẽẽn Yudei ĩnõõnõ thõng. Bẽl Nyaraga cĩ Tiicanẽ cĩk Tionniawu terehianĩt cĩ ẽẽn 17. Ma balna vurtia, ikiyyia ũmũdak goonia cĩnnẽ Timoti ĩnõõnõ, ĩthõng uduwak ethek ne, nga nẽnnẽ ẽlẽmĩ lemnyiowa Thẽthalonika Nyekuc noko, kõdẽ woyyia ngĩ uuk eeta ĩnõõgõ. Ngaatĩ ẽhẽẽdĩ Paulo Nyaraga coo kẽthẽr ĩnõõgõ, ĩthõng ẽdẽc thoothonniok cĩk ajin nẽẽgẽ ẽẽ.
Nyaragawa ĩcoo, ethei Paulo Nyekuc ne, ibalallẽ, nyatarka leminit kĩ mĩnan cĩ lemnyiok cĩk Thẽthalonika, ĩthõng uduwak ĩnõõgõ gõõl cĩ balna arũmẽẽnĩ nẽ kĩ ĩnõõgõ. Ĩthõng naboo, uduwak ĩnõõgõ thõõth cĩ katĩ edenyiay lemnyiowĩy vurtia cĩ daaĩth cĩnĩng, kĩ thõõth cĩ katĩ edenyiay katĩ ngĩ õbõda Kiristo loota ngato. Turnanta cĩnnĩ vẽlẽk, eyelek Paulo ĩnõõgõ gõõl cĩ woccia aatẽ nẽẽgẽ kuumuc kõdõlan kõr neccie.