Nyaraga cĩ eheedi Paulo
Lemnyiok cĩk Kelethia cĩ Kolothia
Yelinit cĩ Nyaraga cĩ Kolothia
Eheedi balna Paulo wũ ẽẽn tionniait cĩ Yesu Kiristo Nyaraga coo lemnyiok cĩk kõrõõk cĩ gaalawu cĩ Kolothia. Aavĩ balna Kolothia ĩcĩ tõõn cĩ okolothĩcẽ kõr looca cĩ yoko athĩ Turkia wo. Ngaanĩ balna Paulo kũũk natẽ kũdũt, ĩthõng thĩ, balna ĩthĩrar nẽ ngĩ athĩ ne, aatĩ limanniowa cĩk ẽẽn volongnyiak meelitina ĩcĩ lemnyiowu. Aduwaai balna limanniowa cĩkkõ lemnyiok cĩk Kiristo kowobit vowothnya cĩk Yudei, cĩk õgõõn kĩ bũũraninietĩ cĩ ẽlẽ cĩ et cĩ maacĩ, kĩ ngatĩ alawĩ Nyekuc wathinniowẽy gwantĩk, kĩ ngatĩ alawĩ anjĩlẽt, kĩĩ katĩ kebelbelek Nyekuci ĩnõõgõ. Ngaatĩ ẽhẽẽdĩ Paulo Nyaraga coo, kahadak wobjiak cĩk Kiristo ngatĩ balna ẽẽn daaĩth cĩ Kiristo cĩ ẽẽla ĩnõõgõ, kĩ ngatĩ aavẽ Kiristo tammuatiddina, ĩthõng agam anjĩlẽt vẽlẽk kĩ ririwanĩn vẽlẽk kĩ kaal vẽlẽk kĩ loociok vẽlẽk. Ĩthõng thĩ, thẽk athii balna Paulo cĩ adiimi ĩnõõgõ kelemit vowothnya õõgĩ, kõdẽ liman ĩmma, adiim nẽ ĩnõõgõ kowobit Kiristo dõ. Ĩthõng naboo uduwak ĩnõõgõ gõõl cĩ woccia aatẽ rũgẽta cĩnĩng, kĩĩ katĩ kẽyẽla rũgẽtĩ cĩnĩng ngĩ ẽẽn nẽẽgẽ eet cĩk eberyiay cĩk Nyekucak.