Nyaraga cĩ eheedi Paulo
Lemnyiok cĩk Kelethia cĩ Vilipi
Yelinit cĩ Nyaraga cĩ Vilipi
Eheedi balna Paulo wũ ẽẽn tionniait cĩ Yesu Kiristo Nyaraga coo lemnyiok cĩk kõrõõk cĩ gaalawu cĩ Vilipi. Aavĩ balna Vilipi looca cĩ Makedonia cĩ ẽẽn tõõn cĩ looc cĩ Girihi ĩcĩ lootu. Aliman balna Paulo eet natẽ, ĩthõng ithianaĩ nẽ kelethia cĩ lemnyiowu. Bẽl thõõth coo Nyaragawa cĩ Tiicanẽ cĩk Tionniawu terehianta ĩcĩ ẽẽn 16. Ĩthõng thĩ, erkinyiay cĩk meelĩk vurtia, ĩcĩ balna ikiyyia arĩwothĩhĩ Paulo kĩjan, itiontak lemnyiowa cĩk kelethiawak Vilipa ĩnõõnõ nyarobinya. Ngaatĩ ẽhẽẽdĩ nẽ Nyaraga coo kennek nẽ ĩnõõgõ ne, ibalallẽ.
Ĩthõng nyaragawa ĩcoo, aduwaai balna Paulo lemnyiok ethei ne, athii cĩ ongollie nẽ daaĩth, ĩthõng ẽthẽr ĩnõõgõ kokomit lemintia cĩnĩng, katĩ ngĩ acananni nẽẽgẽ, kõdẽ ngĩ aruk eeta ĩnõõgõ. Ma natẽ, egerenyek Paulo ĩnõõgõ kithii cĩ ẽngẽrẽnĩ, ĩthõng thĩ, ithimatitõ kĩ baa gõõ Kiristo. Ngaatĩ ahadacĩ ĩnõõgõ ngatĩ ẽẽn rũgẽtĩ cĩ arũmẽẽnĩ nẽẽgẽ kĩ Kiristo kĩĩtõ codoi doo, ẽẽn anyinit cĩ anyi Nyekuci ĩnõõgõ, kĩĩ katĩ kithii woccia cĩ õwõb nẽẽgẽ limanniok, cĩk ẽẽn volongnyiak cĩk aduwaai ĩnõõgõ kowobit thẽk, Ngirantiok wũk balna anyi Nyekuci Mutha kaanyĩk eet cĩk Yudei.