Nyaraga cĩ eheedi Paulo
Lemnyiok cĩk Kelethia cĩ Ẽvẽthathĩ
Yelinit cĩ Nyaraga cĩ Ẽvẽthathĩ
Eheedi balna Paulo wũ ẽẽn tionniait cĩ Yesu Kiristo Nyaraga coo, lemnyiok cĩk kõrõõk cĩ gaalawu cĩ Ẽvẽthathĩ cĩ aavĩ ĩcĩ tõõn cĩ okolothĩcẽ kõr looca cĩ yoko kathĩ naaga ne, Turkia wo. Aavĩ balna Paulo, ĩthõng illiman eet nĩĩkẽ erkinya iyyio. Bẽl Nyaraga cĩ Tiicanẽ cĩk Tionniawu terehianĩt cĩ ẽẽn 19. Ngaatĩ avvu ẽnnẽ eeta cĩk meelĩk lemnyiok cĩk Kiristo Ẽvẽthatha kĩ vatĩkẽy ĩcĩk õjõõntĩ cĩk aatẽ nẽẽgẽ. Ma balna vurtia cĩ avvue Paulo kĩjana Rũmatẽy, ikiyyia eteheedĩk Nyaraga coo lemnyiok cĩk Ẽvẽthathĩ, keyelek ĩnõõgõ gõõl cĩ balna ẽnnẽ leminiti cĩnĩng ĩcĩ Kiristo tõõn cĩ muwẽẽnĩt cĩ Nyekuc cĩ ẽẽn Kiristo Makayyioit cĩ gii vẽlẽk loota kĩ tammuatiddina.
Nyaragawa ĩcĩ Ẽvẽthathĩ terehiantiowẽy cĩk ẽẽn 1-3, ẽkẽba Paulo gõõl cĩ balna ẽbẽranĩ Nyekuci eet cĩgĩnĩk, ĩthõng ẽẽla ĩnõõgõ gerthetina cĩnĩng, ngatĩ anyĩcẽ kũrũmĩt eleeti cĩgĩk kĩ Yesu Kiristo kĩĩtõ codoi doo daaĩtha cĩnnĩ kĩ rũgẽta. Ma naboo terehiantiowẽy cĩk ẽẽn 4-6, eyeleei nẽ gõõl cĩ ayahanĩ Kiristo eet cĩk balna ẽẽn Yudei, kĩ eet cĩk balna athii cĩ ẽẽn Yudei, kivitia kĩĩtõ eet cĩk odoi ĩcĩnnĩ, nyatarka ẽlẽmĩ nẽẽgẽ ĩnõõnõ.