Dõõlĩ kĩ baajigi kĩ ngaagĩ
6
Niigia doolia, ĩthĩrarit baajigu kĩ ngaagu cuguk, nyatarka thõõth cĩ mũrrĩ cĩ woccia adĩmannu niigia coo.a 2 “Tõngõlẽ niia baaba cunni kĩ yaaya,” ẽẽn coo tĩrĩthẽnĩt cĩ odoi wũ balna itiona Nyekuci cĩ ayak bũtan, 3 cĩ athĩ ne, “Ebelbelit, ĩthõng uruktu looca coo kuumuc.”b 4 Niigia baajigi doolenu, nyĩ õgõrgõrrannu dõõlĩ cuguk, ĩthõng thĩ kẽnnẽ, illimanit ĩnõõgõ, kĩĩ katĩ kĩdĩmanit nẽẽgẽ thõõth cĩ Makayyiokto.cNyakapanak kĩ makayyiok cĩgĩk
5 Niigia nyakapanaĩ, ĩthĩrarit makayyiok cuguk cĩk looc nĩco. Otongollie ĩnõõgõ, ĩthõng ithiktu kaavu kĩcĩ woccia athĩknu Kiristo.d 6 Ĩthĩrarit ĩnõõgõ, athii cĩ ẽẽn, nyatarka kebelbelit nẽẽgẽ katĩ ngĩ ebekcung agiitia thõng dõ, ĩthõng thĩ, ĩthĩrarit ĩnõõgõ kĩ nyakapanaĩ cĩk Kiristo, katĩ ngĩ aticannu niigia diimẽnẽt cĩ Nyekuco thinnetinẽy cuguk dĩdĩ. 7 Iticantothĩk makayyiok cuguk talintia, kĩcĩ woccia aticanothicu Makayyioit, athii cĩ ẽẽn kĩcĩ aticanothicu eeta, 8 nyatarka agayyu niigia ngatĩ katĩ adũmanĩ Makayyioiti eet dodoyyie, nyatarka tiicanẽ cĩk abũnna cĩk balna adĩman nẽẽgẽ, kõdẽ woyyia et cĩ balna ẽẽn nyakapanait, kõdẽ cĩ athii cĩ ẽẽn nyakapanait.
9 Ĩthõng niigia makayyiowa, ĩdĩmanit niigia buu nyakapanak cuguk kĩyokowẽ. Nyĩ adĩmannu ĩnõõgõ buth, nyatarka agayyu niigia ngĩ ayak nẽẽgẽ buu Makayyioit cĩ aavĩ tammuatiddina cĩ ẽẽn Makayyioit cunung buu wo, cĩ athii nẽ cĩ angalĩt eeta.e
Jore cĩ kuukõnẽ kĩ ririwanĩn cĩk gerthek
10 Ĩthõng thõõtha cĩ aturna, anycĩk tiirthẽt cobbi õrrõt cĩ Makayyiokto kaanyung ĩĩtõ tiirti. 11 Itihimit ijjio cĩk jorak cuguk cĩk anyung Nyekuci wo ilitti eleeti, kĩĩ katĩ kithii cĩ ĩgoollung alaanĩ cĩ ririwanĩn cĩk gerthek. 12 Nyatarka athii cĩ kuukõy naaga kĩ mĩrõk cĩk ẽẽn eeta. Kuukõy naaga kĩ mĩrõk cĩk ẽẽn makayyiok, kĩ makathĩt cĩ tiirthẽt cĩ ririwanĩn cĩk gerthek cĩk loocak, ĩthõng kuukõy kĩ makathĩt cĩ tiirthẽt cĩ ririwanĩn cĩk gerthek cĩk vatĩk cĩk tammutiddin. 13 Ĩthõng thĩna, itihimit ijjio cuguk cĩk jorak cĩk anyung Nyekuci wo, ilitti eleeti cuguk, kĩĩ katĩ ngĩ ikiyyia kõr cĩ gerthetino, agayyu katĩ ngatĩ alittu eleeti cuguk. Ma katĩ ngĩ edeciay jore, nga katĩ okomnyu niigia. 14 Ĩdĩmantothĩk jurrung! Itihimit thõõth cĩ ẽẽn dĩdĩ kaavu kĩ nyẽkẽdẽngõ, ĩthõng anyciwu bũnnathĩt cĩ Nyekuco kilitowung agiitia katĩ ngĩ ovvoyyu jora. 15 Itihimit ganõn cĩ aku Nyemuta cĩ Abũnna kaavutõ kĩ caava katĩ ngĩ itihimu niia ĩnõõgõ jurrung. 16 Anycĩk leminit cunung kaavu kĩ kilib, kĩĩ katĩ ilitti nyarangĩt cĩk alanyĩt cĩk ẽẽn guo cĩ Thĩttano. 17 Anycĩk tiirthẽt cĩ Nyekuco cĩ ẽẽlaneet ageeta, kaavu kĩ nangaala cĩ kabungi ooti cĩgaac, ĩthõng anyciwu nyemut cĩ Nyekuco cĩ aku ĩcĩ Ririwac cĩnnĩ, kaavu kĩ nyetubata. 18 Ĩthõng alayyiõy dõõkĩthĩ wathinniowẽy vẽlẽk, tiirthẽta ĩcĩ Ririwac cĩ Dĩhĩmĩ. Aavut vĩrĩngĩng, ĩthõng alayyiowu lemnyiok cĩk callĩk vẽlẽk.
19 Alayyiowangũ aneeta buu, kĩĩ katĩ kaanya Nyekuci nyemut cĩ kõthõõthẽ kithii cĩ kongollie, ĩthõng kaanyĩha eet kagaacõ thõõth cĩ Nyemut cĩ Abũnna wũ balna alugunyi thĩnĩna cĩ Nyekuco, 20 nyatarka keeni na tionniait cĩ kecebjie kĩjana. Alayyiowangũ, kĩĩ katĩ kilimanõy thĩnĩna cĩ õkõmĩ kĩcĩ woccia ngĩ kalimannie.
Thawinet cĩ aturna
21 Aduwaccung katĩ Taicikathĩ gotoonietĩ cĩnac thõõth cannĩ vẽlẽk, kĩĩ katĩ agaac niigia buu gõõl cĩ kaavẽ na, kĩ tiic cĩ katicani. Kamĩnani na ĩnõõnõ, ĩthõng ẽẽn nẽ ticciannioit cĩ athũnnĩ tiic cĩ Makayyiokto dõõkĩthĩ. 22 Thõõth coo kir cĩ kitionacung na agiit ĩnõõnõ wo, kĩĩ katĩ agaac niigia gõõl cĩ katiyyia naaga, kĩĩ katĩ woccia ketherung Taicikathĩ agiitia.