Nyaraga cĩ ẽẽn Ramma cĩ eheedi Paulo
Lemnyiok cĩk Kelethia cĩ Thẽthalonika
Yelinit cĩ Nyaraga cĩ ẽẽn Ramma cĩ Thẽthalonika
Ẽẽn balna Paulo tionniait cĩ Yesu Kiristo, wũ balna eheedi Nyaraga cĩ ẽẽn ramma coo lemnyiok, õlõõ ĩcĩ gaalawu cĩ Thẽthalonika nyĩĩlõwẽ cĩk kĩdĩk vurtia cĩ balna ẽtẽhẽẽdĩ nẽ Nyaraga Codoi cĩ Thẽthalonika. Nyaragawa ĩcoo, atukwuaneei nẽ lemnyiok kaavutõ kokomit lemintia cĩnĩng, kõdẽ woyyia baalia ngĩ ẽhẽcĩ eeta ĩnõõgõ buu nuun. Aduwaai balna eeta gwuak ĩnõõgõ ethei ne, õbõda Kiristo vẽlẽk, kõdẽ aku katĩ nẽ tamanoko, ĩthõng ĩthĩnga nẽẽgẽ woccia adiim ngĩ aticanni naboo, ĩthõng thĩ kẽnnẽ, ikiyyia egerenyek Paulo ĩnõõgõ kithiic cĩ athĩrar nẽẽgẽ eet nĩĩkẽ. Ĩthõng uduwak ĩnõõgõ ethek ne, athii woccia lemnyiowa cĩ ẽẽn nyamuttiok, nyatarka aavĩ katĩ kõr cĩ ĩtoorinie thõõth cĩ gerthe õrrõt loota ngato, ĩthõng aak katĩ makayyioiti cĩ gerthe jore cobbi õrrõt, cĩ uuki eet cĩk Nyekucak, katĩ nõ nga kõbõda Kiristo.