Nyaraga cĩ ẽẽn Ramma cĩ eheedi Paulo
Lemnyiok cĩk Kelethia cĩ Korinto
Yelinit cĩ Nyaraga cĩ ẽẽn Ramma cĩ Korinto
Eheedi balna Paulo wũ ẽẽn tionniait cĩ Yesu Kiristo Nyaraga coo, wobjiak cĩk Kiristo õlõõ ĩcĩ gaalawu cobbi ĩcĩ Korinto looca cĩ Akeyyia, cĩ tõõn cĩ looc cĩ Girihi, balna ngaanĩ õwõ nẽ gõõla cĩ eheronothĩcẽ ĩnõõgõ. Ithiananĩ balna nẽ kelethia cĩ meelitin cĩ lemnyiowu Korintowa, bẽl Nyaraga cĩ Tiicanẽ cĩ Tionniawu 18. Ĩthõng naboo, balna ẽthẽr ĩnõõgõ gõõla cĩ eheronothĩcẽ ĩnõõgõ thõng, ĩthõng itionĩk Nyaraga cĩ ẽẽn Codoi cĩ Korinto, ĩthõng thĩ, balna naboo ngaanĩ aatĩ thoothiowa cĩk gerthek buu noko kõrgẽna cĩnĩng. Ngaatĩ yoko ẽhẽẽdĩcẽ nẽ wobjiak cĩk Kiristo Nyaraga cĩ ẽẽn Ramma cĩ Korinto coo, kĩĩ katĩ kĩdĩmantek nẽẽgẽ thoothonniok jurrung kõrgẽna cĩnĩng, katĩ ngaanĩ kõdõlan nẽ ĩnõõgõ.
Aavĩ balna kĩcĩ ẽmẽdẽr wobjiaha gwuak cĩk Kiristo Paulo athĩ ne, õgõrõth nẽ nyarobinya cĩk meelitin cĩ lemnyiowu, ĩthõng naboo ĩĩtõ ne, athii cĩ ẽẽn nẽ tionniait dĩdĩ. Ĩthõng Nyaragawa ĩcoo, ẽtẽhẽẽd nẽ thoothonniok cĩk meelĩk, nyatarka ĩnõõnõ kĩ tiic cĩ irioni Nyemut cĩ Abũnna cĩ Yesu, wũ balna avveei Nyekuci ĩnõõnõ kĩdĩman, bẽl terehiantiok 6-7. Ĩthõng naboo, illiman Paulo wobjiak cĩk Kiristo, gõõl cĩ tiiri cĩ aticanini nyarobinya cĩgĩk keelli eet cĩk Nyekucak kĩ tiic cĩ meelitin cĩ lemnyiowu loociowẽy gwantĩk. Bẽl terehiantiok 8-10.