Nyaraga cĩ eheedi Paulo
Lemnyiok cĩk Kelethia cĩ Rũma
Yelinit cĩ Nyaraga cĩ Rũma
Eheedi balna Paulo tionniaiti cĩ Yesu Kiristo, Nyaraga coo wobjiak cĩk Kiristo õlõõ ĩcĩ gaalawu cobbi ĩcĩ Rũma. Adiim balna nẽ ngĩ ẽkẽbai ĩnõõgõ Nyemut cĩ Abũnna wũ balna irion nẽ loociowẽy gwantĩk. Uduwa Paulo Nyemut cĩ Abũnna cĩ Yesu wo, athĩ ne, ẽyẽla nyemut coo gõõl cĩ ẽlẽmĩ Nyekuci eet loociowẽy vẽlẽk, nyatarka leminit cĩ ẽlẽmĩ eeta thõõth cĩ balna itican Yesu Kiristo. Eyeleei Paulo wobjiak cĩk Kiristo cĩk ẽẽn Yudei ethei ne, Ngirana wũ balna anyi Nyekuci Mutha kĩ eet wũk õthõõth molook cĩ Nyekuco, õthõõth balna thõõth cĩ Kiristo Nyaragawa cĩ Ngẽrẽmngẽrẽm wũ balna Ũnũũwa. Ĩthõng naboo eyelek eet cĩk athii cĩ ẽẽn Yudei ethek ne, aanyĩk Nyemut cĩ Abũnna eet cĩk athii cĩ ẽẽn Yudei buu kĩĩtõ eet cĩk Nyekucak. Aduwa naboo Paulo athĩ ne, elemnyet ageeta Nyekuci daaĩtha ĩcĩ Kiristo, kĩĩ katĩ athii naaga cĩ kaanyi Nyekuc kẽbẽlbẽl, gõõla cĩ kathũnnĩ Ngirantiok cĩgĩnĩk tiirthẽta cĩnac mĩn. Ĩthõng thĩ, kẽnnẽ, kaanycĩk naaga Ririwac cĩ Dĩhĩmĩ kaanyet ageeta tiirthẽt, kĩĩ katĩ kaavut naaga gõõla cĩ adiimiet Nyekuci ageeta kaavutti jurrung.
Turnanta cĩ nyaragawo, terehiantiowẽy ĩcĩk ẽẽn 12-15, irionicet Paulo ageeta kaavut gõõla cĩ abũnna kĩ wobjiaha cĩk Kiristo. Abũnna kũũla naaga ngatĩ kamĩnanĩ eet õõgĩ, ĩthõng naboo kĩmĩnanit eet cĩk abũrnet ageeta, kõdẽ eet cĩk eheccet ageeta, wũk gõõ adĩmannet ageeta buth, ĩthõng kotongollie naaga eet cĩk agamnyet ageeta. Turnanta cĩ thõõth vẽlẽk terehianta cĩ ẽẽn 16, ĩthaa Paulo gõõnõgĩ cĩgĩnĩk Rũmatẽy thaaryiowẽy ĩcĩgĩk mĩn mĩn.