Nyemut cĩ Abũnna cĩ
Yoanẽ
Yelinit cĩ Yoanẽ
Ẽẽn balna Yoanẽ buu tionniait cĩ Yesu tionniaĩ cĩk ẽẽn õmmõtõ kĩ ramma.
Ẽhẽẽd balna nẽ Nyaraga coo,
kẽẽl eet cĩk Yudei kĩ eet õõgĩ kelemit Yesu ngatĩ ẽnnẽ nẽ Kiristo.
Athii balna cĩ aduwa Yoanẽ iyiaintiok cĩk meelĩk cĩk rũgẽt cĩ Yesu wũk balna eheeddi Nyaragawa ĩcĩ Matewo,
Marĩkõ,
Luka.
Ĩthõng thĩ,
balna aduwa nẽ thoothonniok cĩk meelĩk cĩk anaat eeta cĩk balna atican Yesu,
kĩ kaal cĩk meelĩk cĩk balna alimanĩ Yesu eeta.
Ẽyẽla thoothiowa cĩkkõ athĩ ne,
ẽẽn balna Yesu et dĩdĩ,
ĩthõng balna ẽẽn nẽ Nyekuc dĩdĩ buu.
Ithiananĩ Nyaraga coo gõõla cĩ ẽyẽlanĩ athĩ ne,
ẽẽn Yesu Thõõth cĩ Nyekuco,
kõdẽ nyemut cĩ loocu kĩ ngatĩ ẽẽn daaĩthĩ cĩnnẽ,
gii cĩ cavĩto cĩ adĩm gerthetin cĩ eetu looca ngatĩvõrĩ.
Ĩthõng balna ẽẽn Yesu Kiristo Ellioit cĩ balna uduktia eeta cĩk õthõõth molook cĩ Nyekuco Nyaragawa ĩcĩ Ngẽrẽmngẽrẽm wũ Ũnũũwa,
ngatĩ akuni.
Terehiantiowẽy cĩk ẽẽn 13-17,
ẽkẽba Yoanẽ mĩnan cĩ amĩnanĩ Yesu wobjiak cĩgĩnĩk,
kĩ thoothonniok cĩk amanymanyanĩ nẽ ĩnõõgõ jiat,
baa ngaanĩ kagamẽ nẽ. Aduwa turnanẽtĩ cĩ nyaraga coo, gõõl cĩ balna ẽtẽdĩcẽ eeta Yesu thõõth kĩ ngatĩ ododdinie kurucea kĩ gõõl cĩ balna arũknanĩ daaĩtha kĩ ngatĩ alibacĩ wobjiak cĩgĩnĩk ngõnana ĩcĩk meelĩk.