Nyemut cĩ Abũnna cĩ
Luka
Yelinit cĩ Luka
Ẽhẽẽd balna Luka Nyaraga coo,
ĩthõng naboo ẽtẽhẽẽd Nyaraga cĩ Tiicanẽ cĩk Tionniawu buu.
Athii balna nẽ cĩ ẽẽn Yudenit,
ĩthõng thĩ,
balna ẽẽn nẽ Girihenit cĩ ilimanẽ õrrõt,
ĩthõng ikiyyia balna ĩthĩ wobjiait cĩ Kiristo.
Iriok balna nẽ kĩ tionniait Paulo wueeta cĩnnĩ ĩcĩ alimanĩ Nyemut cĩ Abũnna cĩ Yesu.
Nyaragawa ĩcoo,
aduwa nẽ rũgẽt kĩ tiiciok cĩk Yesu gõõla cĩ ithiananĩ jurrung,
kĩĩ katĩ kagaacõ eeta cĩk athii cĩ ẽẽn Yudei.
Aduwa Luka nyemut cĩ obbi cĩ ngaanĩ kuduwuay Nyaragẽtẽy gwantĩk ĩcĩk õgõõn kĩ Matewo,
Marĩkõ kĩ Yoanẽ.
Ẽẽn cĩkkõ nyemutua cĩk tuwuanẽt cĩ Yoanẽ Batithta,
kĩ tuwuanẽt cĩ Yesu kĩ kĩdĩcthẽt cĩnnĩ,
kĩ liman cĩ Yoanẽ Batithta.
Ẽyẽla naboo nẽ mĩnan cĩ amĩnanĩ Nyekuci eet vẽlẽk.
Aduwa Yesu thoothonniok cĩk owovothi cĩk alĩta eeta,
cĩk õgõõn kĩ iyiainti cĩ Thamaritanoc cĩ abũnna,
bẽl terehianĩt cĩ ẽẽn 10,
kĩ logoo cĩ athii cĩ et ĩmma,
bẽl terehianĩt cĩ ẽẽn 15,
kĩ ngatĩ arũmẽẽnĩ Yesu kĩ et cĩ alũt mũcũrrũ cĩ aaburneei eeta,
bẽl terehianĩt cĩ ẽẽn 19,
ngatĩ irihẽcĩ Yesu rũgẽt cĩ alna kũdũt et cĩ gerthe wũ balna õdõddĩ kĩ ĩnõõnõ kõdõwẽ,
bẽl terehianĩt cĩ ẽẽn 23.
Ĩthõng naboo,
abũũng Luka ngõnana ĩcĩk meelĩk tiicanẽ cĩk Ririwac cĩ Nyekuco rũgẽta kĩ tiiciok cĩk Yesu, ĩthõng ẽyẽla gõõl cĩ balna gõõ alawini Yesu. Turnanta cĩ Nyaraga coo, aduwa nẽ thoothonniok cĩk meelĩk balna ngĩ ikiyyia ilibak Yesu wobjiak cĩgĩnĩk vurtia cĩ ũrũgaĩ nẽ daaĩtha. Aduwa thoothiowa cĩkkõ vẽlẽk athĩ ne, ũrũga Yesu naboo, ĩthõng õtõd ũũk ĩcĩ Nyekuco tammuatiddina.