Nyemut cĩ Abũnna cĩ
Matewo
Õõ baatĩ baatĩ Yesu
(Bẽl Luka 3:23-38)
1
Arittiay balna Yesu Kiristoa tatũga ĩcĩ Davide,b ĩthõng arittiay balna Davide tatũga ĩcĩ Abrahamĩ.c Ĩthõng thaaryiok cĩk baajikni wo cĩkkõ.2 Ẽẽn balna Abrahamĩ baatĩ Aĩthaĩ,d
ĩthõng Aĩthaĩ ẽẽn baatĩ Yokobĩ.e
Ĩthõng Yokobĩ ẽẽn baatĩ Yudaa kĩ gõtõõnõgĩ.
3 Ĩthõng ikiyyia itirria Yudaa Pẽrẽth kĩ Thẽẽra wũ balna athĩ thar cĩk yaatĩnnĩ Tamar.
Ẽẽn balna Pẽrẽthĩ baatĩ Hethronĩ,
ĩthõng ĩthĩ Hethronĩ baatĩ Ramĩ.
4 Ĩthõng balna ẽẽn Ramĩ baatĩ Amminadabĩ,
ĩthõng ĩthĩ Amminadabĩ baatĩ Nathõnĩ,
ĩthõng ĩthĩ Nathõnĩ baatĩ Thalmõnĩ,
5 ĩthõng Thalmõnĩ ẽẽn baatĩ Boathĩ, cĩ baa athĩ yaatĩnnĩ Rahab.f
Ẽẽn Baa Boathĩ baatĩ Obedĩ cĩ baa athĩ yaatĩnnĩ Ruth,
ĩthõng Obedĩ ẽẽn baa baatĩ Jethe.
6 Ẽẽn balna Jethe baatĩ alaan Davide.
Ĩthõng balna ẽẽn Davide baatĩ Thõlõmõnẽ, cĩ baa ẽẽn yaatĩnnẽ ngaa cĩ et cĩ athĩ Uria.g
7 Ĩthõng balna ikiyyia itirria Thõlõmõnẽ ngẽrĩnĩ cĩ athĩ thar Rehoboam,
ẽẽn balna Rehoboamĩ baatĩ Abija,
ĩthõng itirria Abija ngẽrĩnĩ cĩ athĩ thar Atha.
8 Ẽẽn Atha baatĩ Jehothapatĩ,
ĩthõng ẽẽn Jehothapatĩ baatĩ Jehoramĩ,
ẽẽn Jehoramĩ baatĩ Uthia,
9 ĩthõng ẽẽn Uthia baatĩ Jothamĩ,
ĩthõng ẽẽn Jothamĩ baatĩ Ahathĩ,
ẽẽn Ahathĩ baatĩ Hethekia,
10 ĩthõng ẽẽn Hethekia baatĩ Manathi,
ẽẽn Manathi baatĩ Amonĩ.
Ĩthõng ẽẽn Amonĩ baatĩ Jothia,
11 ĩthõng ẽẽn Jothia baatĩ Jekonia kĩ gõtõõnõgĩ, wathinniowẽy wũk balna agamĩ eeta cĩk Babiloniah ĩnõõgõ, ĩthõng ootti looca ĩcĩ Babilonia.
12 Ma baa vurtia cĩ attiyyie nẽẽgẽ looca ĩcĩ Babilonia,
ẽẽn balna Jekonia baatĩ Thealtielĩ,
ĩthõng ẽẽn Thealtielĩ baatĩ Therubbabelĩ,
13 ĩthõng ẽẽn Therubbabelĩ baatĩ Abiudi,
ẽẽn Abiudi baatĩ Eliakimi,
ĩthõng ẽẽn Eliakimi baatĩ Athorĩ.
14 Ẽẽn Athorĩ baatĩ Thadokĩ,
ĩthõng ẽẽn Thadokĩ baatĩ Akĩmĩ,
ẽẽn Akĩmĩ baatĩ Eliudi.
15 Ĩthõng ẽẽn Eliudi baatĩ Eliathari,
ẽẽn Eliathari baatĩ Matthani,
ĩthõng ẽẽn Matthani baatĩ Yokobĩ,
16 ẽẽn Yokobĩi baatĩ Yothẽbõ maac cĩ Maria wũ baa arittia Yesu wũ athĩ Kiristo.
17 Ĩthõng thĩ, balna ẽẽn vurtẽẽna cĩgĩk vẽlẽk õmmõtõ kĩ wec cĩk ẽtẽrẽhanĩ ĩcĩ Abrahamĩ kõdõlan Davide, ĩthõng naboo ẽẽn vurtẽẽna õmmõtõ kĩ wec wũk ẽtẽrẽhanĩ ĩcĩ Davide kõdõlan itin wũ balna ayahĩ eeta ĩnõõgõ õvõyyĩ Babilonia, ĩthõng naboo, ẽẽn vurtẽẽna õmmõtõ kĩ wec, itina wũ balna ayahĩ eeta ĩnõõgõ õvõyyĩ Babilonia kõdõlan tuwuanẽt cĩ Yesu Kiristo.
Tuwuanẽt cĩ Yesu Kiristo
(Bẽl Luka 2:1-7)
18 Gõõl balna cĩ uukcianẽ Yesu Kiristo coo. Aavĩ balna bũwẽẽcĩ ĩmma cĩ athĩ Maria cĩ balna arũc Yothẽbõ, ĩthõng thĩ, balna nga kũrũmtẽ kõdõwẽ, ikiyyia ummudiay thõõth cĩ athĩ ne, ayak Maria doolec cĩ arittiay Ririwaca cĩ Dĩhĩmĩ.j 19 Ĩthõng nyatarka balna ẽẽn Yothẽbõ et cĩ edeemi thoothonniok, ĩthõng athii cĩ adiim ngĩ anyi Maria ngawani meelitina, ĩthõng ikiyyia umuk nẽ gõõl cĩ woccia õõgĩ Maria, labak athii cĩ aga eeta.
20 Ĩthõng thĩ, baa nga ahad nẽ thõõth coo, ikiyyia uduwak ĩnõõnõ anjĩlõk cĩ Makayyiokto ngonothintia ethek ne, “Yothẽbõ, ngẽrtĩ Davide, nyĩ ongollie ngatĩ ayahẽ Maria kĩĩ ngaa cunni, nyatarka ẽẽn doolec cĩ Maria wo, doolec cĩ aku ĩcĩ Ririwac cĩ Dĩhĩmĩ. 21 Ũũkca katĩ nẽ ngẽrĩnĩ cĩnnĩ. Kateek katĩ ĩnõõnõ thar cĩk athĩ Yesu, nyatarka ẽẽla katĩ nẽ eet cĩgĩnĩk thoothonniowẽy ĩcĩk gerthek ĩcĩgĩk.”
22 Adĩmanni balna thõõth coo vẽlẽk ketee, kĩ baa ngĩ aduwaai Makayyioiti et cĩ õthõõth molook cĩ Nyekuco,l 23 “Ũũkca katĩ bũwẽẽcĩ cĩ ngaanĩ kataguthõ kĩ et wo, logoo cĩ maacĩ, cĩ katĩ athĩ thar cĩgĩnĩk Imanuel,” Thara cĩk athĩ Imanuel wo athĩ ne, “Aavĩ Nyekuci ĩcĩnac.”m