Nyaraga cĩ
Yiona
Yelinit cĩ Nyaraga cĩ Yiona
Aduwa Nyaraga coo iyiainit cĩ et cĩ õthõõth molook cĩ Nyekuco cĩ athĩ Yiona,
cĩ balna abaak erkinya cĩk ẽẽn eet etĩmma kĩ eet õmmõtõ kĩ eet tur kĩ eet iyyio (760) balna ngaanĩ kitirriay Yesu Kiristo.
Aduwaai balna Nyekuci ĩnõõnõ kũũk kuduwak thõõth cĩnnĩ eet cĩk kõrõõk cĩ gaalawu cobbi cĩ athĩ Nineve cĩk balna ẽẽn mĩrõk cĩk eet cĩk Ĩthraĩlĩ.
Abũrĩ balna Yiona ngatĩ athĩknĩ Nyekuc ngatĩ õkõyyĩ Nineve,
ngaatĩ avirẽcĩ nẽ Nyekuc,
ĩthõng idiim ngĩ abaaẽ bũlũc kovowola cobbi.
Ĩthõng thĩ,
kẽnnẽ ivitia balna utdukteek eeta cĩk kovowolak ĩnõõnõ bũlũcatõ,
ĩthõng aanyĩk Nyekuci kuluguac cobbi kẽẽl ĩnõõnõ.
Ma vurtia cĩ ikiyyia ũũk uduwak Yiona eet cĩk Nineve thõõth cĩ Nyekuco,
ngaatĩ aduwanĩ eeta vẽlẽk gerthetin cĩnĩng.
Ĩthõng thĩna,
ikiyyia ũtũngek Nyekuci ĩnõõgõ gerthetin cĩnĩng.
Aku kẽnnẽ balna avaracĩth Yiona õrrõt.
Aduwacet Nyaraga coo ageeta athĩ ne,
eyelek balna Nyekuci Yiona ngatĩ amĩnanĩ nẽ eet,
ĩthõng ẽẽn nẽ thimattioit cĩ ẽẽla katĩ et cĩ uungni gerthetin cĩnnĩ,
ĩthõng õwõb gõõl cĩ Nyekuco.