Nyaraga cĩ
Tegeluanu
Yelinit cĩ Nyaraga cĩ Tegeluanu
Ẽẽn Nyaraga cĩ Tegeluanu wo, Nyaraga cĩ Thõõth cĩ Nyekuco cĩ eheedinie tegeluana cĩk lawintiak. Ẽẽn cĩkkõ tegelua cĩk ẽbẽla teheddiowa mĩn mĩn wũk balna kũnũũk erkinyiay ĩcĩk ẽẽn vucciak codoi baa nga kitirriay Yesu Kiristo. Aluttiay balna tegeluana, ĩthõng ebelliõĩ eeta cĩk Ĩthraĩlĩ ĩnõõgõ lawintia cĩnĩng, ĩthõng balna ivitia eteheddiothĩk tegeluana cĩkkõ Nyaragẽtẽy cĩk Nyekucak.
Mẽẽlĩ tegeluana cĩk Nyekucak wo, ĩthõng aatĩ mĩn mĩn. Aatĩ tegeluana cĩk dĩhĩthẽntak kĩ cĩk abuluthi eeta Nyekuc, kĩ cĩk lawinit cĩ elianto, kĩ cĩk behinto, kĩ cĩk tamatiak, kĩ cĩk anyintiak, kĩĩ kagatan katĩ Nyekuci eet cĩgĩnĩk, ĩthõng uuk nẽ mĩrõk cĩgĩk. Ẽẽn lawintiowa cĩkkõ cĩk alawini eeti ẽlẽ cĩnnĩ mĩn, kõdẽ alawini eeta vẽlẽk kõdõwẽ, ẽẽn ĩmma cĩ woccia alawini eeti thĩnĩna cĩnnĩ mĩn, ĩthõng ẽẽn ĩmma cĩ diimẽnẽt cĩ thoothonniok cĩk eet vẽlẽk cĩk Nyekucak.
Adĩmanini balna Yesu Tegelua cĩkkõ, ĩthõng iticantõõĩ teheddiowa cĩk Ngẽrẽmngẽrẽm cĩ Jõr ĩnõõgõ. Balna thiananta aticanini balna Kirithtianẽta Nyaraga cĩ Tegeluanu alawini, ĩthõng ebelei Nyekuc tegelua.
Thẽdaninit cĩ Thoothonniok cĩk Tiirtik
Tegeluana cĩk ẽẽn eet tur kĩ eet ramma kõmmõtõ (150) engeryie kuluttie kĩĩtõ Nyaragẽt tur kaavutõ ketee:
Nyaraga cĩ ẽẽn codoi Tegelua 1-41
Nyaraga cĩ ẽẽn ramma Tegelua 42-72
Nyaraga cĩ ẽẽn iyyio Tegelua 73-89
Nyaraga cĩ ẽẽn wec Tegelua 90-106
Nyaraga cĩ ẽẽn tur Tegelua 107-150