Nyaraga cĩ
Ruthi
Yelinit cĩ Nyaraga cĩ Ruthi
Aduwacet Nyaraga coo iyiainit cĩ ngaa ĩmma cĩ athĩ Ruth,
cĩ balna aku eetĩnẽy cĩk looc cĩ Mõabĩ,
cĩk ẽẽn mĩrõk cĩk eet cĩk ẽẽn Ĩthraĩl.
Abaak balna nẽ erkinyiay ĩcĩk ẽẽn vucciak codoi kĩ eet tur kĩ etĩmma kõmmõtõ (1130),
baa ngaanĩ kitirriay Yesu Kiristo.
Avir balna eeta cĩk kõrõõk ĩmma cĩ Ĩthraĩlĩ Bẽtẽlẽhẽma,
õvvõ looca cĩ Mõabĩ,
nyatarka butuny.
Ĩthõng balna itik logoo cĩnĩng ĩmma Ruth.
Ma natẽ,
ivitia adaaitõ eeta cĩk kõrõõk nĩcẽ vẽlẽk,
kutunguak yaatĩnnẽ dõ cĩ athĩ Naomi kĩ kalawanẽt cĩgĩnĩk cĩk ẽẽn ramma.
Ma balna ngĩ idiim Naomi ngĩ imiirie kũũk Bẽtẽlẽhẽma,
ĩĩdĩ balna kẽnnẽ Ruthi ngatĩ irioĩ kĩ Naomi,
ĩthõng ẽlẽm Ruthi Nyekuc cĩ Ĩthraĩlĩ kĩĩ Nyekuc cĩnnĩ.
Kõdẽ woyyia balna ngĩ õdõlanit Bẽtẽlẽhẽm athĩnẽy kaganoko wo,
ayahak Nyekuci et ĩmma cĩ abũnna õrrõt,
ĩthõng aballie cĩ athĩ Boath kagam Ruth,
ĩthõng ũthũũtĩ nẽ Naomi buu.
Ẽẽn balna alaanĩ Davide et cĩ tatũk cĩ Boathĩ kĩ Ruth,
ma baa vurtia cĩ erkinya cĩk meelĩk,
ikiyyia balna Yesu Kiristo buu ĩthĩ et cĩ tatũk cĩ Davide.
Ẽyẽla iyiainti cĩ Ruthi athĩ ne, agatan katĩ Nyekuci eet cĩk loociok õõgĩ cĩk ẽlẽmĩ ĩnõõnõ, kivitia kĩĩtõ eet cĩgĩnĩk buu.