Nyaraga cĩ
Lugitho
Yelinit cĩ Nyaraga cĩ Lugitho
Õthõõth Nyaraga cĩ Lugitho iyiainit cĩ eet cĩk Ĩthraĩlĩ noko, cĩ uturẽẽĩ thõõtha ĩcĩ daaĩth cĩ Yokobo kĩ ngẽrĩnĩ cĩnnĩ Yothẽbõ Nyaragawa ĩcĩ Thianantõ. Ithiananĩ Nyaraga coo, õthõõth thõõth cĩ eet cĩk Ĩthraĩlĩ, ẽẽn balna nẽẽgẽ nyakapanak Ijiba. Ĩthõng ĩthĩk balna Nyekuci lawinit cĩnĩng cĩ elianto, ĩthõng balna ẽbẽra nẽ Mutha kĩthĩ makayyioit cĩnĩng, ĩthõng ayaha ĩnõõgõ vẽlẽk ngatĩvõrĩ looca ĩcĩ Ijibi. Adĩmanni balna thõõth coo erkinya cĩk ẽẽn vucciak codoi kĩ eet etĩmma (1400) balna nga kitirriay Yesu Kiristo.
Kõdẽ balna nẽẽgẽ ĩthĩnga ẽẽn nyakapanak, ayak eeta pĩrnanẽt cobbi balna ma ngĩ õwõ nẽẽgẽ baatha ĩcĩ õdõõĩ kak ngĩ õvvõ looca ĩcĩ Kananĩ wũ balna abũtanai Nyekuci ĩnõõgõ. Abũrĩ balna gõõ nẽẽgẽ Nyekuc, ĩthõng ma balna ngĩ õdõlanit nẽẽgẽ Thiir cĩ Thĩnaĩ, anyĩk Nyekuci Mutha Ngirantiok cĩk woccia athũnnĩ eeta, kĩĩ katĩ kabaaitõ nẽẽgẽ gõõla ĩcĩ adiim nẽ.
Nyaragawa ĩcĩ Lugitho terehianta ĩcĩ ẽẽn 25-40 anyĩk naboo Nyekuci ĩnõõgõ tĩrĩthẽntiok cĩk alawĩ eeta ĩnõõnõ kĩ ngatĩ adĩmananĩ Ciith cĩ Nyekuco cĩ ayahanĩ paadĩrnya anyintiok kĩ kaal cĩk cavawu cĩk enyeeinie gerthetini cĩnĩng.