Nyaraga cĩ
Thianantõ
Yelinit cĩ Nyaraga cĩ Thianantõ
Aduwa Nyaraga coo terehianĩt cĩ kaal vẽlẽk.
Aduwa gõõl cĩ da õgõõn Nyekuci ngĩ ẽngẽnyca tammutiddin kĩ looc kĩ kaal vẽlẽk cĩk aatĩ ĩcĩnĩng,
õjõngõrõĩ eeti cĩ olli,
wũ balna aari nẽ kĩrĩcana kaal cĩk looc coo.
Aduwacet naboo Nyaraga coo gõõl cĩ balna da ẽtẽrẽhanĩ gerthetini kĩ pĩrnanẽt kĩ daaĩth.
Ĩthõng ẽyẽla gõõl cĩ ẽtẽrẽhanĩ ngatĩ othooththi thoothonniowa mĩn mĩn loociowẽy.
Terehianta ĩcĩ ẽẽn 12-50 aduwa iyiainit cĩ tatũk cĩ Abrahamĩ kĩ ngẽrĩnĩ cĩnnĩ Aĩthak kĩ ngẽrtĩ Aĩthaĩ cĩ athĩ Yokob kĩ lõgõõ wũgĩnĩk wũk ẽẽn õmmõtõ kĩ ramma,
õjõngõrõĩ Yothẽbõ.
Ẽyẽla gõõl cĩ arĩcananĩ Nyekuci eet wũgĩnĩk kir,
kõdẽ woyyia nẽẽgẽ ngĩ ẽẽn eet cĩk kĩdĩk kaganoko cĩk alĩha eeta cĩk ala nyekucnya õõgĩ.
Ẽyẽla naboo gõõl cĩ adiim Nyekuci eet cĩgĩnĩk kotongollie ĩnõõnõ,
kĩĩ katĩ kabaaitõ gõõla ĩcĩ athĩrarĩ ĩnõõnõ.
Nyaraga coo,
kĩ Nyaragẽt õõgĩ,
õõ Nyaraga cĩ Lugitho,
Levitikath,
Kebiniet kĩ Ditoronomi athĩ balna gõõ ĩnõõgõ dõõkĩthĩ ne,
“Ngiran,”
kõdẽ, “Ngiran cĩ Mutha” thõõtha ĩcĩ eet cĩk Ĩthraĩlĩ.