Nyaraga cĩ
Tegeluanu
Nyaraga cĩ ẽẽn codoi
Tegelua 1-41
Tẽgẽl 1
1 Agatanẽ eeti
cĩ athii cĩ õwõb tĩrĩthẽntiok cĩk eet cĩk gerthek,
kõdẽ cĩ athii cĩ õwõb gõõl cĩ eet cĩk ẽẽn gẽrẽthanniok,
kõdẽ athii cĩ arũmẽ kĩ eet cĩk arannĩ Nyekuc.
2 Ĩthõng thĩ, ẽbẽlbẽl nẽ Ngirana cĩ Makayyiokto,
ĩthõng umuk Ngiran cĩ Makayyiokto baalin kĩ waathĩn.
3 Õgõõn nẽ kĩ kẽẽt cĩ akannẽ titimma cĩ duwwo,
aari dõõkĩthĩ katĩ ngĩ õdõlanit nyĩĩlõwẽ cĩgĩnnẽk.
Athii ballõwa cĩgĩnnẽk cĩ õdõõĩ.
Abũnna thoothiowa cĩk adĩman nẽ vẽlẽk, aatĩ jurrung.
4 Athii eeta cĩk gerthek cĩ õgõõn noko!
Õgõõn nẽẽgẽ kĩ kavirowa
cĩk atik ngõõtĩ, ĩthõng ithiic kaganoko.
5 Ĩthõng thĩna, eteedi katĩ Nyekuci eet cĩk gerthek thõõth,
ĩthõng athii katĩ gẽrẽthanniowa
cĩ arũmẽ ngatĩ odoi kĩ eet cĩk abũnna.
6 Nyatarka ẽbẽk Makayyioiti gõõl cĩ eet cĩk abũnna,
ĩthõng thĩ, aturna katĩ gõõl cĩ eet cĩk gerthek daaĩtha.