Ala Yiona Makayyioit
“Makayyioit,
kaavẽ balna na canana cobbi õrrõt,
kalayyi balna aniitia,
ĩthõng ithiwu lawinit cannĩ.
Kalayyi balna na aniitia looca cĩ daakciawu,
ĩthõng edecu niia lawinit cannĩ.
3 Atdukeca balna niia aneeta ngatĩ wuuni õrrõt,
bũlũca ĩcĩtõ loota,
ĩlĩha tiirthẽtĩ cĩ maamu aneeta,
itikta mugẽna cĩk tiirthẽt cĩ maamu aneeta.
4 Ĩthõng kumuwa balna na kĩĩthĩ ne,
itingkawa bẽrẽ niia aneeta nguuma cunni,
ĩthĩnga katĩ kacini
Ciith cunni cĩ dĩhĩmĩ cĩ Nyekucoa naboo.
5 Maama cĩk alĩhecca aneeta wo,
adiim ngĩ arukcanĩ,
alĩhecca maama cĩk bũlũc cĩ wuuni aneeta.
Atĩrtĩranothĩca kartienti cĩ bũlũco õõ cannĩ.
6 Kithio balna bũlũc kõdõlan bĩĩ vurut,
kĩĩthĩ balna et cĩ kaavẽ kĩjana loota tõdõway kũdũt,
Ĩthõng thĩ,
ikiyyia ĩttõwa niia aneeta daaĩtha,
Makayyioit Nyekuc cannĩ.
7 Ma balna ngĩ kagawa õbõwẽ daaĩthĩ cannie,
kalawi aniitia Makayyioit,
ĩthõng ithiwu niia lawinit cannĩ
Ciitha cunni ĩcĩ dĩhĩmĩ.
8 Eeta wũk gõõ ala nyekucnya cĩk athii cĩ ẽẽn dĩdĩ
ũtũbũrĩt bũnnathĩt cĩ woccia balna anyi Nyekuci ĩnõõgõ.
9 Ĩthõng thĩ,
kẽnnẽ ĩcannĩ,
kaanyi katĩ na aniitia
gii cĩ cavĩto tẽgẽla ĩcĩ dĩhĩthẽntõ.
Ĩthõng kũthũtẽ katĩ kõngan cannĩ vẽlẽk,
nyatarka aku ellianĩtĩ cannie vẽlẽk ĩcĩ Makayyiokto dõ.”
10 Ngaatĩ aduwacĩ Makayyioiti kuluguac katathahak Yiona ngĩtĩvõrĩ titimma cĩ bũlũco.