Tẽgẽl 147
1 Ĩdĩhĩthĩt niigia Makayyioit.
Abũnna ngatĩ kẽbẽlẽcĩ naaga Nyekuc cĩnac tegelua,
ĩthõng edeemothi ngatĩ kadĩhĩthĩ ĩnõõnõ.
2 Ẽngẽnyẽt Makayyioiti Yeruthalẽm naboo.
Uluuguaĩ nẽ eet cĩk Ĩthraĩlĩ koboddia.
3 Anyi nẽ eet cĩk aduuli thinneti cĩgĩk kũbũnta,
ĩthõng ẽcẽb kaakuanya cĩgĩk.
4 Aduwa nẽ kebiniet cĩk mũnyũny cĩk tammutiddin ẽẽn kuu,
ĩthõng ũtũvvũ ĩnõõgõ codoi codoi thaarĩy cĩgĩk.
5 Maka Makayyioiti cĩnac, ĩthõng ijiar vẽlẽk.
Athii woccia cĩ atĩmanni gẽẽnyĩthĩ cĩnnẽ.
6 Ẽẽl Makayyioiti eet cĩk athii cĩ ẽngẽrẽnĩ,
ĩthõng utdukeek eet cĩk gerthek looc.
7 Ebelliek niigia Makayyioit tegelua
cĩk enneccu ĩnõõnõ ne, ibalallẽ.
Ebelliek Nyekuc cĩnac tẽgẽl kidoria.
8 Abung nẽ tammutiddin diithiowẽy,
ĩthõng itionak tammu looc,
ĩthõng anyĩk kartienit kukula thiiryiowẽy.
9 Anyi nẽ kẽlẽgẽ dainit cĩnĩng,
ĩthõng anyĩk loopuknya cĩk ngaanĩ dĩcẽ
dainit katĩ ngĩ avvũ nẽẽgẽ ĩnõõnõ.
10 Athii cĩ alnai nẽ nyangõlẽnya cĩk tiirtik,
kõdẽ thoo cĩk tiirtik cĩk nyĩcẽkẽrowoco,
11 atarnanĩ Makayyioiti eet cĩk ongollie ĩnõõnõ,
eet cĩk aari thinneti cĩgĩk mĩnana cĩnnĩ,
ĩcĩ athii cĩ edecciay kũdũt.
12 Eeta cĩk Yeruthalẽmĩ, ĩdĩhĩthĩt niigia Makayyioit,
eeta cĩk Thionĩ, ĩdĩhĩthĩt Nyekuc cunung,
13 nyatarka anyĩk nẽ thĩĩk cĩk katũgẽt cuguk kokomit.
Agatan nẽ eet cugunik cĩk arumenu kĩ agiitia.
14 Ayaha nẽ ganõn lõkõrẽtẽy ĩcĩk looc cunung.
Anyung nẽ agiit dainit cĩ ẽẽn gẽẽmẽ cĩ abũnna õrrõt.
15 Itioniai nẽ tĩrĩthẽnĩt cĩnnĩ kikiyyia loota,
ĩthõng ĩthĩraritõ eeta tĩrĩthẽnĩt cĩnnĩ tamanoko.
16 Akkuwa nẽ looc lorudowa kaavu kĩ batani,
ĩthõng athaanĩk thĩĩthĩ looc kĩ tithetĩ.
17 Itiona nẽ tẽllẽẽn cĩk tammuak kaavutõ kĩ bĩĩyẽna cĩk kĩdĩk.
Ngẽnẽ woccia cĩ õmõgĩ lajjo cĩnnĩ wo?
18 Ikiyyia uduwa nẽ thõõth, ĩthõng oboyyie maama cĩk ẽẽn bĩĩyẽn,
itiona nẽ ngõõt cĩ aaburi, ĩthõng irihit maama.
19 Eyelek balna nẽ thõõth cĩnnĩ eet cĩk Yokobo,
eyelek nẽ eet cĩk Ĩthraĩlĩ ngirantiok cĩgĩnĩk kĩ thoothonniok cĩgĩnĩk.
20 Nga balna kaanyĩk nẽ loociok õõgĩ thõõth cĩnnĩ,
nga kagaacõ nẽẽgẽ ngirantiok cĩgĩnĩk.
Ĩdĩhĩthĩt niigia Makayyioit.