Tẽgẽl 146
1 Ĩdĩhĩthĩt niigia Makayyioit.
Thĩnĩn cannie, dĩhĩth niia Makayyioit.
2 Kadihithi katĩ na Makayyioit rũgẽta cannĩ vẽlẽk,
kebelei katĩ na Nyekuc dĩhĩthẽnĩt wathinniowẽy vẽlẽk ĩcĩk karũknẽ nana.
3 Nyĩ aaricu niigia thinneti cuguk kĩ makayyiok,
kõdẽ eetĩnẽy ĩcĩk woccia athii cĩ ẽẽlanunga.
4 Mĩ adaaĩ nẽẽgẽ, imiiryie nẽẽgẽ õõt tõdõway, kõrra nĩcẽ,
ẽẽn katĩ thoothiowa cĩk balna ahad nẽẽgẽ cĩk kaganoko.
5 Agatanẽ eeti cĩ ẽẽl Nyekuci cĩ Yokobo,
et cĩ ayak muwẽẽnĩt cĩ abũnna
Makayyiokta Nyekuc cĩnnĩ,
6 Tengenyioit cĩ tammutiddin kĩ cĩ loocu,
cĩ ẽngẽnyca bũlũc kĩ kaal cĩk aatẽ ĩnõõnõ.
Athũnnĩ Makayyioiti thõõth cĩnnĩ kũdũt.
7 Ẽẽl nẽ eet cĩk ĩtdany eeta,
ĩthõng anyi dainit eet cĩk adak boobo.
Õõg Makayyioiti eet cĩk aatĩ kĩjana,
8 anyi Makayyioiti eet cĩk rubentĩk kĩcĩntẽ.
Õdõng Makayyioiti eet cĩk apĩrna,
amĩnan Makayyioiti eet cĩk abũnna.
9 Ẽbẽk Makayyioiti et cĩ ẽẽn et cĩ rẽẽng,
ĩthõng ẽbẽk ngaa cĩ bõyyĩ kĩ boyyiok,
ĩthõng thĩ, kẽnnẽ atalmanyan nẽ goolliok
cĩk eet cĩk gerthek.
10 Agam Makayyioiti tammutiddin kĩ looc kũdũt.
Agam Nyekuci cĩ Thionĩ kaal vẽlẽk erkinya kĩ erkinya.
Ĩdĩhĩthĩt niigia Makayyioit.