Tẽgẽl 142
Lawinit cĩ Davide balna ngĩ aavĩ nẽ ngiloma.a
1 Kaluei na Makayyioit õrrõt,
kaduwai na moloowa cannĩ õrrõt
Makayyioit katamatĩhanĩ.
2 Kaduwai na ĩnõõnõ thoothonniok cĩganĩk,
nguuma ĩcĩnnĩ kaduwai na ĩnõõnõ pĩrnanẽt cannĩ.
3 Ma ngĩ alal ririwacĩ cannie ẽla cannĩ,
aavẽ niia natẽ ẽbẽkcanĩ.
Edettiea balna eeta nyeritie aneeta
gõõla cĩ kõwõyyẽ na.
4 Bẽk da niia, ĩthõng icinu,
athii eeti ĩmma cĩ aku kuthuttia aneeta tõõ.
Athii ngini ĩmma cĩ kalugunyẽnẽ tõõ,
athii eeti cĩ arĩcana rũgẽt cannĩ tõõ.
5 Makayyioit, kaluecci na aniitia, kenneci ne,
“Eeni niia ngĩtannĩ cĩ kalugunyẽnẽ na,
ĩthõng aniitia kir dõ cĩ eeni et
cĩ adiim rũgẽtĩ cannie.
6 Thĩk ulua cannĩ, nyatarka
kaavẽ na pĩrnanta cobbi õrrõt,
ẽẽlawa aneeta eetĩnẽy ĩcĩk umurya aneeta,
nyatarka tiirti nẽẽgẽ õrrõt.
7 Õgaha niia aneeta kĩjana ĩcannĩ wo,
kĩĩ katĩ kĩdĩhĩth na thar cugunik.
Ĩthõng katĩ uluttiay eeta cĩk abũnna ĩcannĩ,
nyatarka abũnna niia ĩcannĩ õrrõt.”