Tẽgẽl 138
Tẽgẽl cĩ Davide.
1 Makayyioit, kenneci na aniitia thĩnĩna cannĩ vẽlẽk ne, ibalallẽ,
kebeli katĩ na dĩhĩthẽnĩt cunni nguuma cĩ nyekucnyawu.
2 Kalayyie katĩ na kuululie kacini Ciith cunni cĩ dĩhĩmĩ,
ĩthõng kĩdĩhĩtha katĩ thar cugunik,
nyatarka mĩnan cunni cĩ athii cĩ edeciay
kĩ thõõth cunni cĩ athũnnẽ,
nyatarka idihithu niia thar cugunik,
athũnnẽ niia thoothonniok vẽlẽk.
3 Ẽdẽcca balna niia aneeta kõr wũ balna kavuyyina,
anya niia aneeta kĩthĩ tiir, ĩthõng kĩthĩ muot.
4 Makayyioit, anyĩk woccia niia alaanẽt
cĩk loocu vẽlẽk kidihiththi aniitia,
katĩ ngĩ athĩrar thoothonniok
cĩk kũtũk cunni.
5 Anyĩk woccia niia ĩnõõgõ kebelit
goolliok cĩk Makayyioktak, nyatarka maka
bulẽnĩtĩ cĩ Makayyiokto õrrõt kũdũt.
6 Kõdẽ woyyia ngĩ obbua Makayyioiti,
alna athũnnĩ nẽ ngĩjũrra noko,
ĩthõng thĩ, kẽnnẽ aga nẽ eet cĩk ẽngẽrẽn
ngĩ aatĩ rẽẽna ĩcĩnnĩ.
7 Kõdẽ woyyia kõtõõ na kõrgẽna cĩ pĩrnanto,
athũnnẽ niia rũgẽt cannĩ,
ĩthõng athunnia niia aneeta varacintia cĩ mĩrõk cĩganĩk,
attia cunni cĩ athio.
8 Adĩman katĩ Makayyioiti thõõth wũ balna adĩmaneca nẽ aneeta.
Makayyioit, alna mĩnanĩ cunnie kũdũt.
Nyĩ uungni niia eet cugunik, tiic cĩ athĩn cugunik.