Tẽgẽl 137
1 Kattĩyya balna naaga loota
lilliowẽy ĩcĩk Babilonia,a ĩthõng kutuluthia,
katĩ ngĩ kahadana naaga Thion.
2 Kaari balna naaga
kidõrẽt cĩgaac kẽẽnĩy,
3 nyatarka balna ajinnet eeta cĩk agamnyet ageeta wo,
enneccet ne, “Ebelit tegelua.”
Adiim balna thẽk nẽẽgẽ tegelua cĩgaak cĩk talintia,
ĩthõng entehet ne, “Ebelit da tegelua cĩk Thionĩ!”
4 Kẽbẽl woccia naaga gõõ tegelua cĩk Makayyioktak
ngaanĩ kattĩyya looca cĩ rẽẽng wo kuu?
5 Yeruthalẽm, mĩ athii cĩ kahadani aniitia,
erehei woccia athiit cannĩ cĩ athio
gõõl cĩ arui kidori thẽk.
6 Odongnothi woccia thẽk katĩ ahaatĩ cannie
dahalit cĩ kũtũk cannĩ,
katĩ ngĩ athii na cĩ kahadani aniitia,
katĩ ngĩ athii cĩ kaari Yeruthalẽm
kĩĩ talinit cannĩ cobbi.
7 Makayyioit, hada niia gii
wũ balna adĩman eeta cĩk Ẽdõmĩ,
kõr wũ balna oyowini Yeruthalẽmĩ.
Ĩthõng thĩ, ĩĩtõ nẽẽgẽ ne,
“Koyoktek naaga Yeruthalẽm looc,
kõdõlan ngĩtĩ balna adawuanĩ.”
8 Eeta cĩk Babilonia, oyoktewu katĩ niigia,
atalĩ katĩ eeti cĩ adũmanung agiitia, nyatarka thõõth
cĩ balna adĩmanecetu niigia ageeta wo.
9 Agam katĩ nẽ dõõlĩ cuguk cĩk kĩdĩk,
ĩthõng ĩddawĩk ĩnõõgõ laarabẽtẽy.