Tẽgẽl 136
1 Entek niigia Makayyioit ne, ibalallẽ,
nyatarka abũnna nẽnẽ,
alna mĩnanĩ cĩnnẽ kũdũt.
2 Entek niigia Nyekuc cĩ nyekucnyawu ne, ibalallẽ,
alna mĩnanĩ cĩnnẽ kũdũt.
3 Entek niigia Makayyioit cĩ makayyiowu ne, ibalallẽ,
alna mĩnanĩ cĩnnẽ kũdũt.
4 Adĩman nẽ thoothonniok cĩk anatti,
alna mĩnanĩ cĩnnẽ kũdũt.
5 Ĩnõõnõ wũ balna ẽngẽnyca tammutiddin gẽẽnyĩtha cĩnnĩ,
alna mĩnanĩ cĩnnẽ kũdũt.
6 Ĩnõõnõ wũ balna ẽngẽnyca looc kiliba maamĩy tiddina,
alna mĩnanĩ cĩnnẽ kũdũt.
7 Ĩnõõnõ wũ balna ẽngẽnyca lanyintiok cĩk obbitik,
alna mĩnanĩ cĩnnẽ kũdũt.
8 Ẽngẽnyca balna nẽ kõr katalany waath,
alna mĩnanĩ cĩnnẽ kũdũt.
9 Ẽngẽnyca balna nẽ nyĩĩlok kĩ mũnyũny kũtũkũlĩt baalin,
alna mĩnanĩ cĩnnẽ kũdũt.
10 Ĩnõõnõ wũ balna aruk lõgõõ cĩk ẽẽn abuuẽt cĩk eet cĩk Ijibi,
alna mĩnanĩ cĩnnẽ kũdũt,
11 ĩthõng uluuguaĩ nẽ eet cĩk Ĩthraĩlĩ ngatĩvõrĩ ĩcĩnĩng,
alna mĩnanĩ cĩnnẽ kũdũt,
12 attia cĩnnĩ cĩ tiiri kĩ ĩbawa cĩnnĩ cĩ õdõng tiddina,
alna mĩnanĩ cĩnnẽ kũdũt.
13 Ẽngẽr balna nẽ Bũlũc cĩ Merihi,
alna mĩnanĩ cĩnnẽ kũdũt,
14 ĩthõng ayaha eet cĩk Ĩthraĩlĩ kõrgẽna cĩnnĩ,
alna mĩnanĩ cĩnnẽ kũdũt,
15 ĩthõng thĩ, balna ukku nẽ alaan cĩ Ijibi
kĩ nyĩcẽkẽr cĩgĩnĩk Bũlũcatõ ĩcĩ Merihi,
alna mĩnanĩ cĩnnẽ kũdũt,
16 ĩthõng õkõyyĩ balna nẽ eet cĩgĩnĩk baatha,
alna mĩnanĩ cĩnnẽ kũdũt.
17 Ĩnõõnõ cĩ uuk balna nẽ alaanẽt cĩk abulie,
alna mĩnanĩ cĩnnẽ kũdũt,
18 aruk balna nẽ alaanẽt cĩk tiirtik,
alna mĩnanĩ cĩnnẽ kũdũt,
19 aruk balna nẽ Thihon alaan cĩ eet cĩk Amõrĩ,
alna mĩnanĩ cĩnnẽ kũdũt,
20 ĩthõng uruk nẽ Og cĩ ẽẽn alaan cĩ looc cĩ Bathanĩ,
alna mĩnanĩ cĩnnẽ kũdũt,
21 aanyĩk balna nẽ looc cĩnĩng kĩĩ cĩ eet cĩk Ĩthraĩlĩ,
alna mĩnanĩ cĩnnẽ kũdũt,
22 aanyĩk balna nẽ ticcianniok cĩgĩnĩk cĩk Ĩthraĩlĩ looc,
alna mĩnanĩ cĩnnẽ kũdũt.
23 Ahadanet balna nẽ ageeta balna ngĩ keeginna nyakapanak,
alna mĩnanĩ cĩnĩng kũdũt,
24 ĩthõng õgaẽt balna mĩrõwẽy cĩgaac,
alna mĩnanĩ cĩnnẽ kũdũt,
25 ĩthõng anyĩk nẽ dainit kaal cĩk arugi vẽlẽk,
alna mĩnanĩ cĩnnẽ kũdũt.
26 Entek niigia Nyekuc cĩ tammutiddin ne, ibalallẽ,
alna mĩnanĩ cĩnnẽ kũdũt.