Tẽgẽl 131
Ẽẽn coo tẽgẽl cĩ Davide, cĩ kõvvõyyĩ naaga tiddina Yeruthalẽma.
1 Makayyioit, athii na cĩ kengereni thĩnĩna cannĩ,
ĩthõng athii kẽbẽrẽ cĩganniek cĩ ẽngẽrẽnĩ,
athii na cĩ kaari thĩnĩn cannĩ kaalĩy cĩk obbitik,
kõdẽ athii cĩ kadiimi ngĩ kadĩmani kaal
cĩk õkõmĩ õrrõt kĩ aneeta.
2 Ĩthõng thĩ, kẽnnẽ kaanyĩha balna na thĩnĩn cannĩ kamanymanyanẽ,
kĩ doolec cĩ aatĩ kĩ yaatĩnnĩ cĩ ĩbĩl torkowintia,
aavĩ thĩnĩn cannie jurrung kĩ doolec cĩ arũmẽ kĩ yaatĩnnĩ.
3 Niigia eeta cĩk Ĩthraĩlĩ, aryik niigia muwẽẽnĩt cunung
cĩ abũnna ĩcĩ Makayyiokto, yoko kĩ kũdũt.