Tẽgẽl 130
Ẽẽn tẽgẽl coo, cĩ kõvvõyyĩ naaga tiddina Yeruthalẽma.
1 Makayyioit, kaluecci na aniitia canana cannĩ ĩcĩ obbi,
2 Makayyioit, thĩk molook cannĩ.
Anyĩk niia kĩĩn cugunik kaavutõ vĩrĩngĩng,
ĩthĩhĩt ĩlaalii cannĩ cĩ tamati cunni.
3 Makayyioit, yoko mĩ kẽẽb niia thoothonniok cĩk gerthek,
ngẽnẽ woccia cĩ abĩlĩ nguuma cunni?
4 Ĩthõng thĩ, kẽnnẽ uungni niia gerthetin,
ĩthõng thĩna, ongolini eeta aniitia.
5 Kẽrẽ na Makayyioit, ereyyi thĩnĩn cannie,
kaari na muwẽẽnĩt cĩ abũnna thõõtha cĩnnĩ.
6 Ẽrẽ thĩnĩn cannie Makayyioit,
kijiar bekciok cĩk ẽrẽ ngerethietĩn kikiyyia,
kijiar ngatĩ ẽrẽwĩ nẽẽgẽ ngerethietĩn kikiyyia.
7 Niigia eeta cĩk Ĩthraĩlĩ, aryik niigia
muwẽẽnĩt cunung cĩ abũnna ĩcĩ Makayyiokto,
nyatarka aavĩ mĩnanĩ cĩ athii
cĩ edecciay ĩcĩ Makayyiokto,
ĩthõng aavĩ ellianĩtĩ kĩ ĩnõõnõ kũdũt.
8 Dĩdĩ, ẽẽla katĩ nẽ eet cĩk Ĩthraĩlĩ
thoothonniowẽy cĩgĩk ĩcĩk gerthek vẽlẽk.