Tẽgẽl 129
Ẽẽn tẽgẽl coo, cĩ kõvvõyyĩ naaga tiddina Yeruthalẽma.
1 Ĩtdanyca mĩrõwa aneeta õrrõt balna thẽk ngĩthõrõkthẽtĩna.
Anyĩk niia eet cĩk Ĩthraĩlĩ kĩĩtõ ne,
2 “Ĩtdanyca balna nẽẽgẽ aneeta õrrõt balna thẽk ngĩthõrõkthẽtĩna ĩcannĩ,
ĩthõng thĩ, kẽnnẽ, ngaanie kijiaryanĩ.
3 Ẽngẽdẽt eeta bowuc cannĩ kolianĩnẽy,
kaavu nẽ kĩ loceventi cĩ evyi.
4 Ĩthõng thĩ kẽnnẽ, abũnna Makayyioiti,
ẽtẽd nẽ lõõrõnẽt cĩk ecebia balna aneeta eeta cĩk gerthek.”
5 Anyĩk niia woccia eet vẽlẽk cĩk aaburneei eet cĩk Thionĩ,
kimiiryie ngawanintia.
6 Anyĩk woccia ĩnõõgõ kaavutõ kĩ kartienti cĩ aavĩ kõlĩlla,
cĩ amuduith ngaanĩ kĩtĩlĩth buu,
7 athii woccia cĩ abbĩththĩ athĩn cĩk eet cĩk engetti,
kõdẽ abbĩththĩ athĩn cĩk eet cĩk alũta.
8 Athii woccia eeta cĩk agama eet
cĩk aaburneccet ageeta gõõl, cĩ ennei ĩnõõgõ ne,
“Anycĩk Makayyioit kagatanung agiitia.
Kagatannung naaga thaarĩy cĩk Makayyioktak.”