Tẽgẽl 128
Ẽẽn tẽgẽl coo, cĩ kõvvõyyĩ naaga tiddina Yeruthalẽma.
1 Agatantẽ eeta vẽlẽk cĩk ongollie Makayyioit,
cĩk õwõ goolliowẽy cĩgĩnĩk.
2 Arũba katĩ niia dainit tiica cĩ athiit cunni,
agatannie katĩ niia, ĩthõng ijiowa kaal vẽlẽk.
3 Aavĩ katĩ ngaa cunnie kĩ kẽẽt,
cĩ aari õrrõt õlõõ cunni,
alĩthĩ katĩ lõgõõ cugunniek jurrung,
kĩ taliibanẽ cĩk kẽẽtak, aliheei ngĩtĩ aduwẽnẽ niinia.
4 Dĩdĩ, gõõla ĩcoo agatanni eeti
cĩ ongollie Makayyioit.
5 Anyĩk woccia Makayyioit kagatani aniitia Thiira cĩ Thionĩ,
wathinniowẽy vẽlẽk ĩcĩk rũgẽt cunni,
anyĩk woccia Makayyioit kaanyi cĩn balinit cĩ Yeruthalẽmĩ,
6 arugi woccia niia katĩ kuumuc cĩn dõõlĩ cĩk dõõlĩ cugunik thẽk.
Aavu woccia ganõnĩ eetĩnẽy cĩk Ĩthraĩlĩ.