Tẽgẽl 127
Ẽẽn tẽgẽl cĩ Thõlõmõnẽ coo, cĩ kõvvõyyĩ naaga tiddina Yeruthalẽma.
1 Mĩ athii cĩ ẽngẽnyẽt Makayyioiti ciith,
ẽngẽnycẽ tengenyiowa kaganoko.
Mĩ athii cĩ ẽbẽk Makayyioiti kõrõõk cĩ gaalawu cobbi,
ebekcie bekciowa kaganoko.
2 Aticaninu niigia kaganoko,
katĩ ngĩ ĩngannu jiena ngerenniet,
ĩthõng iticantowu kuumuc kĩĩ baalin,
nyatarka dainit cĩ adakcu,
nyatarka anyĩk Nyekuci yuwuthõn eet cĩk amĩnan nẽnẽ.
3 Ẽẽn doolia anyinit cĩ Makayyiokto,
ẽẽn doolia anyinit cĩ aku ĩcĩnnĩ.
4 Aatĩ doolia cĩk arittiay ngĩthõrõkthẽtĩna cĩ eeto,
kĩ nyarangĩta athĩnẽy cĩk dootiak.
5 Agatanni dootiti
cĩ ayak dõõlĩ cĩk meelĩk,
athii katĩ cĩ angawan nẽẽgẽ, katĩ ngĩ urumtõy,
ĩthõng othoothiõy nẽẽgẽ kĩ mĩrõk cĩgĩnĩk lokika.