Tẽgẽl 126
Ẽẽn tẽgẽl coo, cĩ kõvvõyyĩ naaga tiddina Yeruthalẽma.
1 Ma balna ngĩ õbõdaet Makayyioiti ageeta Thiona,a eetĩnẽy wũk balna agamnyet ageeta,
kaavuttia balna naaga kĩ eeta cĩk ongonothi thõng.
2 Kẽbẽlbẽlla balna naaga, ĩthõng katararyia,
kẽbẽlla tegelua cĩk talintiak kutugetinẽy cĩgaak.
Ma natẽ, othoothitõ loociowa ĩĩtõ ne,
“Ĩdĩmanek balna Makayyioiti ĩnõõgõ thoothonniok cĩk obbitik.”
3 Ĩdĩmanehet balna Makayyioiti thoothonniok cĩk abũnna,
ĩthõng kebelbellia naaga.
4 Makayyioit, bõdaĩ balinit cĩnang,
kĩ duwwẽna cĩk looc cĩ õdõõĩ cĩ Nẽgẽvĩ.
5 Eet cĩk akatĩ kinyomo tulalõy,
eteddi katĩ nẽẽgẽ tegeluanĩy cĩk talintiak.
6 Eeti cĩ alu kĩcĩ õcõd kinyomo õkkõ athacĩ,
õbõda katĩ nẽ ẽbẽl tegelua cĩk talintiak,
õdõng mũũrac cĩk labinu.