Tẽgẽl 125
Ẽẽn tẽgẽl coo, cĩ kõvvõyyĩ naaga tiddina Yeruthalẽma.
1 Eeta cĩk aari thinneti cĩgĩk ĩcĩ Makayyiokto,
aatĩ nẽẽgẽ kĩ Thiir cĩ Thionĩ,
cĩ athii cĩ õmmõnnĩ gimma, ĩthõng alna kũdũt.
2 Kĩcĩ aliheei thiiryiowa Yeruthalẽm,
noko aliheei Makayyioiti
eet cĩgĩnĩk, yoko kĩ kũdũt.
3 Athii katĩ cĩ agam eeta cĩk gerthek
looc cĩ eet cĩk Nyekucak,
nyatarka katĩ abarriteei woccia kẽnnẽ eeta cĩk abũnna,
ngatĩ adĩmanĩ thoothonniok cĩk gerthek athĩnẽy cĩgĩk.
4 Makayyioit, dĩman niia jurrung kĩ eet cĩk abũnna,
eet cĩk abũnna thinneti cĩgĩk.
5 Ĩthõng thĩ, eeta cĩk atican thoothonniok cĩk gerthek,
umur katĩ Makayyioiti ĩnõõgõ kũrũmtẽ kĩ eet cĩk gerthek.
Anyĩk nẽ ganõn kaavu eetĩnẽy cĩk Ĩthraĩlĩ.