Tegeluanu 124

Tẽgẽl 124

Ẽẽn tẽgẽl cĩ Davide coo, cĩ kõvvõyyĩ naaga tiddina Yeruthalẽma.

1 Mĩ woyyia balna kithii Makayyioiti cĩ aavĩ ĩcĩnac,

anycĩk niigia kĩĩtõ eeta cĩk Ĩthraĩlĩ ne,

2 “Ma woyyia baalia kithii Makayyioiti cĩ aavĩ tõõna ĩcĩnac

baa ngĩ ayahacet eeta ageeta jore,

3 baa ngĩ avaracĩcet nẽẽgẽ ageeta,

akuyyiet woyyia baalia nẽẽgẽ ageeta rũgẽtẽt.

4 Kitiktie woyyia naaga thẽk baalia tõwõna,

akuyyiet woyyia thẽk baalia tõwõnĩ cobbi,

5 maamĩy cĩk tiirtik mugẽna,

atikcet woyyia baalia nẽ ageeta kedecciay vẽlẽk.”

6 Anycĩk niigia Makayyioit kĩdĩhĩthẽ,

wũ balna athii cĩ anyet kadaktet nyĩgĩta cĩgĩk.

7 Kivirit balna naaga kĩ kĩballĩ nyeritiewa,

ẽrẽẽcẽ balna nyeritie, ĩthõng kivirit naaga.

8 Aavĩ elinti cĩnac vẽlẽk thaarĩy ĩcĩk Makayyioktak,

Tengenyioit cĩ tammutiddin kĩ looc.