Tẽgẽl 123
Ẽẽn tẽgẽl coo, cĩ kõvvõyyĩ naaga tiddina Yeruthalẽma.
1 Kodongeci na aniitia kẽbẽrẽ cĩganĩk,
aniitia cĩ aavẽ loota taabawa cunni tammuatiddina wo.
2 Kĩcĩ acĩn kẽbẽrẽ cĩk nyakapanawu
athiit cĩ makayyioit cĩnĩng,
kĩcĩ acĩn kẽbẽrẽ cĩk nyakapanait cĩ ngayyi
makayyioit cĩnnĩ cĩ ngayyi, kĩyokowo buu,
acĩn kẽbẽrẽ cĩgaak Makayyioit Nyekuc cĩnac,
kuumuc katamatĩhet nẽ ageeta.
3 Makayyioit, tamatĩhet niia ageeta, tamatĩhet niia ageeta,
nyatarka kõmõkta balna thõõth cĩ dacinto õrrõt.
4 Kõmõkta balna naaga tararõn cobbi õrrõt
cĩ aranniet eeta cĩk irianĩ,
kõmõkta canan cobbi õrrõt
cĩ acananiet eeta cĩk ẽngẽrẽnĩ.