Tẽgẽl 122
Ẽẽn tẽgẽl cĩ Davide coo, cĩ kõvvõyyĩ naaga tiddina Yeruthalẽma.
1 Katali balna na kĩ eet cĩk etheca ne,
“Kõõt naaga Ciitha cĩ Makayyiokto.”
2 Yeruthalẽm, abĩlĩ thoona cĩgaak
arantiowẽy cugunik.
3 Ẽngẽnycẽ Yeruthalẽmĩ
kĩ kõrõõgĩ cĩ gaalawu cĩ ẽngẽnycẽ jurrung,
kokomit dilatuana cĩgĩnnẽk.
4 Ngĩtĩ õvõyyĩ tatũgẽta tiddina neccie,
õvvõ tatũgẽta cĩk Makayyioktak vẽlẽk natẽ tiddina,
ngatĩ adĩhĩthĩ thar cĩk Makayyioktak natẽ,
nyatarka ẽẽn Ngiran cĩ eet cĩk Ĩthraĩlĩ kũdũt.
5 Ariwothi taabĩta cĩk kõrõõk cĩ alaan Davide
cĩk ẽngẽrĩ lõgõõ cĩk lõgõõ cĩgĩnnẽk thoothonniok natẽ.
6 Alayyiõy niigia, kĩĩ katĩ kaavu Yeruthalẽmĩ ganõna,
alayyiõy ĩĩtõ ne, “Aatĩ woccia eeta jurrung cĩk amĩnan Yeruthalẽm.
7 Kaavu woccia ganõnĩ dilatuanĩy cĩgĩnĩk ĩcĩtõ,
kaavu bũnnathĩtĩ dilatuanĩy ĩcĩk õkõmĩ jurrung.”
8 Nyatarka eet cĩk kõrõõk cannĩ kĩ gõõnõga cĩganĩk,
kothoothi katĩ na kathĩ ne, “Kaavu ganõnĩ kĩ agiitia.”
9 Nyatarka Ciith cĩ Makayyiokto Nyekuc cĩnac,
kalayyie katĩ na kaavu nẽ jurrung.