Tẽgẽl 121
Ẽẽn tẽgẽl coo, cĩ kõvvõyyĩ naaga tiddina Yeruthalẽma.
1 Kodongeei na kẽbẽrẽ cĩganĩk thiiryiok,
aku elinti cannie ĩjang?
2 Aku elinti cannie ĩcĩ Makayyiokto,
Tengenyioit cĩ tammutiddin kĩ cĩ loocu.
3 Athii katĩ cĩ anyi nẽ thooc cunni kittia loota,
Nyekuc cĩ ebekci aniitia athii katĩ cĩ õõngĩ nẽ.
4 Dĩdĩ, ẽbẽk nẽ eet cĩk Ĩthraĩlĩ
athii katĩ cĩ õõngĩ nẽ, kõdẽ adũngĩ.
5 Ebekci aniitia Makayyioiti,
ẽẽn Makayyioiti rii cunni attia cunni cĩ athio,
6 athii katĩ kõr cĩ adĩmanni aniitia waath buth,
kõdẽ adĩmanni nyĩĩloĩ buth baal.
7 Elli katĩ Makayyioiti aniitia,
kithii gii cĩ woccia adakci tõõ,
ẽbẽk katĩ nẽ rũgẽt cunni,
8 ẽbẽk katĩ Makayyioiti wueet cunni
cĩ akuunie kĩ wueet cunni cĩ õkõyyẽ,
yoko kĩ kũdũt.