Tẽgẽl 120
Ẽẽn tẽgẽl coo, cĩ kõvvõyyĩ naaga tiddina Yeruthalẽma.
1 Kavvũ balna na Makayyioit katĩ ngĩ kaavẽ pĩrnanta,
ĩthõng ẽdẽca nẽ aneeta.
2 Makayyioit, ẽẽlawa kutugetinẽy ĩcĩk õvõlõngĩ,
kĩ ahaatuanĩy ĩcĩk ẽẽn goolliak.
3 Nyia katĩ cĩ adĩmanecung Nyekuci
agiitia volongnyiak?
Õgõõn katĩ ngĩ ĩtõõr nẽ ukwẽẽnĩt cunung
kuu kĩĩ maka?
4 Icciayyung katĩ nẽ agiitia
nyarangĩtẽy ĩcĩk lẽhẽdĩk,
ĩthõng utuuthung katĩ nẽ agiitia
thõlõmõnẽy ĩcĩk aaburi patdahac.
5 Kapĩrna na ngĩ kabaai kĩ eet
cĩk kĩrẽẽng cĩk looc cĩ Methcecĩ,
kĩ eet cĩk kĩrẽẽng
cĩk abaak tugguẽtẽy cĩk Kedarĩ.
6 Kĩpĩra na ngĩ kabaai kuumuc
eetĩnẽy ĩcĩk aaburneei ganõn.
7 Keeni na et cĩ ganono,
ĩthõng thĩ, ma ngĩ kothoothi na ganõn,
adiim kẽggẽ nẽẽgẽ jore.