Tẽgẽl 114
1 Ma balna ngĩ uluuktia eeta cĩk Ĩthraĩlĩ looca cĩ Ijibi,
uluuktia balna eeta cĩk Yokobĩ looca cĩ eet
cĩk õthõõth thõõth cĩ rẽẽng,
2 ikiyyia ĩthĩ, lõõcĩ cĩ Yudaa kõrõõk cĩ Nyekuco,
ĩthõng ĩthĩ, lõõcĩ cĩ Ĩthraĩlĩ alaanthẽt cĩnnĩ.
3 Ikiyyia balna ĩcĩn Bũlũc cĩ Merihi ĩnõõgõ, ĩthõng ivira,
ikiyyia ĩbĩl Lĩĩlĩ cĩ Yordanĩ kithii cĩ arihi.a
4 Ivitia balna ihirangit thiiryiowa cĩk obbitik kĩ mĩrkĩcĩ,
ĩthõng ihirangit thiiryiowa cĩk kĩdĩk kĩ nyiona.
5 Nyia da balna niia bũlũc, vir wo?
Nyia da niia Lĩĩlĩ cĩ Yordanĩ, athii cĩ arihi wo?
6 Nyia da niigia thiiryiowa cĩk obbitik ihirangit kĩ mĩrkĩcĩ wo?
Nyia da niigia thiiryiowa cĩk kĩdĩk ihirangit kĩ nyiona wo?
7 Lõõcĩ, barrit niia nguuma cĩ Makayyiokto,
nguuma cĩ Nyekuc cĩ Yokobo,
8 cĩ ũũwũ balna nẽ naarab kĩĩ bõrrõk,
ĩthõng ũtũwũ bĩĩ cĩ õkõmĩ
kĩĩ kẽbẽrẽ cĩk arihanĩ maama.