Tegeluanu 113

Tẽgẽl 113

1 Ĩdĩhĩthĩt niigia Makayyioit.

Niigia ticcianniowa cĩgĩnnẽk, ĩdĩhĩthĩt Makayyioit,

ĩdĩhĩthĩt thar cĩk Makayyioktak.

2 Anycĩk niigia thar cĩk Makayyioktak kidihiththie,

ĩdĩhĩthĩt niigia ĩnõõnõ yoko kũdũt.

3 Ĩdĩhĩthĩt niigia thar cĩk Makayyioktak,

niigia eeta vẽlẽk cĩk attiyyu tõõna ĩcĩ alibanĩ kõr

kĩ cĩk attiyyu tõõna ĩcĩ okolothĩcẽ kõrra.

4 Agam Makayyioiti loociok vẽlẽk,

aavĩ bulẽnĩtĩ cĩnnẽ tiddina tammuatiddina.

5 Ngẽnẽ cĩ aduwõy kĩ Makayyioit Nyekuc cĩnac,

cĩ aavĩ taabawa cĩnnĩ tammuatiddina,

6 ngẽnẽ cĩ ẽdẽnya looc,

kĩcĩn kaal cĩk tammutiddin kĩ cĩk loocu?

7 Õdõnga nẽ ngĩjũrra cĩk aatĩ tuduwaca,

ĩthõng õdõnga ngĩjũrra cĩk aatĩ taahay,

8 kĩĩ kaarĩk nẽ ĩnõõgõ kaavutõ kĩ lõgõõ cĩk alaanetu,

kĩ lõgõõ cĩk alaanẽt cĩk eet cĩgĩk.

9 Agatan nẽ ngaa cĩ athii doolec õlõõ cĩnnĩ tõõ,

ngatĩ anyĩcẽ ĩnõõnõ dõõlĩ.

Ĩdĩhĩthĩt niigia Makayyioit.