Tẽgẽl 110
Tẽgẽl cĩ Davide.
1 Aduwaai Makayyioiti Makayyioit cannĩa ethei ne,
“Avvu niia ĩcĩ athiit cannĩ cĩ athio,
kuumuc gii ngĩ kaarĩha mĩrõk cugunik
loota thoonĩy cugunik.”
2 Ĩtõõr katĩ Makayyioiti alaanthẽt cunni
cĩ abulie ithiananĩ Thiona,
ĩthõng katĩ agamu niia mĩrõk cugunik.
3 Mĩ uuwu niia jora, adiim katĩ nyĩcẽkẽrĩ cugunniek
ngĩ uukõy, nyatarka aniitia.
Ahimiti katĩ niia ceremua cĩk dĩhĩmĩk,
ĩthõng ĩtooryi katĩ tiirthẽtĩ cunnie dõõkĩthĩ
kaavu kĩ thĩĩthĩ cĩk ngerethetinak.
4 Ũbũtan balna Makayyioiti,
ĩthõng ĩnĩnga katĩ ũũwũ nẽ muwẽẽnĩt cĩnnĩ naboo,
wũ balna athĩ ne, “Eeni niia paadĩr kũdũt,
avvu kĩ Mẽlthĩthẽdẽĩ.”b
5 Aavĩ Makayyioiti attia cunni cĩ athio.
Mĩ avarac nẽ, ijiar katĩ nẽ alaanẽt cĩk meelĩk.
6 Ẽngẽr katĩ nẽ thoothonniok cĩk loociowu,
ĩthõng anyĩk ngĩtĩ joro kĩbbĩtĩt eleeti cĩk eet cĩk adaaĩ,
ijiar katĩ nẽ alaanẽt looc vẽlẽk.
7 Awũd katĩ nẽ maam duwwua cĩ õjõõn kĩ gõõla,
ĩthõng thĩna, õdõng õõ cĩnnĩ.