Tẽgẽl 97
1 Agam Makayyioiti looc, anyĩk nẽ looc kẽbẽlbẽl,
anyĩk titimmua cĩk bulucuanu cĩk rẽẽntĩk kebelbelit.
2 Aliheei ĩnõõnõ diithiowa kĩ muwur cobbi.
Ẽngẽnycẽ taaba cĩnnẽ thõõtha cĩ mũrrĩ kĩ bũnnatina.
3 Uwuantẽcĩ gua ĩnõõnõ ĩcowu,
ĩthõng ũtũũth nẽ mĩrõk cĩgĩnĩk vatĩkẽy vẽlẽk.
4 Atũkũl badia cĩnnẽ looc vẽlẽk.
Acĩn lõõcĩ, ĩthõng abarrita.
5 Oboyyie thiiryiowa kĩ doolianĩ
nguuma cĩ Makayyioit cĩ looc vẽlẽk.
6 Õthõõth tammutiddin bũnnathĩt cĩnnĩ,
ĩthõng ĩcĩnĩt eeta vẽlẽk bulẽnĩt cĩnnĩ.
7 Anyi Nyekuci eet vẽlẽk cĩk ala
nyekucnya õõgĩ ngawani, eeta vẽlẽk cĩk ẽngẽrẽn,
nyatarka kaal cĩk balna aar nẽẽgẽ kĩĩtõ nyekucnya,
akaneei woccia thẽk nyekucnya vẽlẽk Nyekuc kuthungti!
8 Makayyioit, athĩraryi eeta cĩk Thionĩ aniitia,
ĩthõng ebelbelita,
ĩthõng ebelbelit eeta cĩk Yudaa,
nyatarka thoothonniok cĩk engeri niia.
9 Makayyioit, eeni niia cĩ Ijiari vẽlẽk, agami looc vẽlẽk,
ijiari niia nyekucnya vẽlẽk õrrõt kũdũt.
10 Anycĩk niigia eet cĩk amĩnan Makayyioit
kaaburyiek thõõth cĩ gerthe,
nyatarka ẽbẽk nẽ rũgẽt cĩ eet cĩgĩnĩk
cĩk athũnnĩ thõõth cĩnnĩ,
ẽẽla nẽ ĩnõõgõ athĩnẽy
cĩk eet cĩk gerthek.
11 Alanyĩt lanyĩtĩ ĩcĩ eet cĩk edeemi thõõth,
ĩthõng edenyiay talinti ĩcĩ eet cĩk võõrĩk thinneti cĩgĩk.
12 Ebelbelit niigia ĩcĩ Makayyiokto, niigia eeta cĩk abũnnanu,
ĩthõng idihiththu thar cĩgĩnĩk cĩk dĩhĩmĩk.