Tẽgẽl 96
1 Ebelliek Makayyioit tẽgẽl cĩ jõr,
ebelliek Makayyioit tẽgẽl niigia loociowa vẽlẽk.
2 Ebelit Makayyioit, ĩthõng idihiththu thar cĩgĩnĩk,
irionit dõõkĩthĩ elianĩt cĩ aku kĩ ĩnõõnõ.
3 Uduktia niigia bulẽnĩt cĩnnĩ
kõrgẽna cĩ eet vẽlẽk,
ĩthõng uduktiak niigia eet vẽlẽk
tiicanẽ cĩgĩnĩk cĩk ijiar vẽlẽk.
4 Abulie Makayyioiti, ĩthõng kadĩhĩth naaga ĩnõõnõ.
Kongollie naaga ĩnõõnõ kijiar nyekucnya õõgĩ vẽlẽk.
5 Ẽẽn nyekucnya cĩk eet õõgĩ volongnyiak kaganoko,
ĩthõng thĩ kẽnnẽ, balna Makayyioit
cĩ ẽngẽnyca tammutiddin.
6 Alĩha bulẽnĩtĩ kĩ makathĩt ĩnõõnõ,
aavĩ tiirthẽtĩ kĩ bulẽnĩt Ciitha cĩnnĩ.
7 Eeta vẽlẽk cĩk loociowu, agaac niigia Makayyioit,
agaac niigia ĩĩtõ ne, ayak Makayyioiti bulẽnĩt kĩ tiirthẽt.
8 Anycĩk niigia Makayyioit bulẽnĩt cĩ thar cĩgĩnĩk,
ayakta anyinit reerunga cĩnnĩ.
9 Alaac niigia Makayyioit bulẽnta cĩnnĩ ĩcĩ dĩhĩmĩ,
abarritit niigia eeta cĩk loocu vẽlẽk nguuma cĩnnĩ.
10 Uduktiak niigia eet entek ne, “Ẽẽn Makayyioiti Alaan.”
Etengenyiay lõõcĩ kõkõm, athii katĩ cĩ õmmõnnĩ eeti ĩmma,
ẽngẽr katĩ Nyekuci thoothonniok cĩk eetu gõõla cĩ edeemothi.
11 Anycĩk tammutiddin kẽbẽlbẽl, ĩthõng anycĩk looc katal,
anycĩk bũlũc kĩ kaal vẽlẽk cĩk aatĩ ĩcĩtõ koroit bẽlbẽllõna,
12 anycĩk looc kĩ kaal vẽlẽk cĩk ayak nẽ katalit.
Ĩthõng thĩ, ebelit kẽẽna cĩk bõõnak tegelua cĩk talintiak,
13 ebellie katĩ nẽẽgẽ nguuma cĩ Makayyiokto,
nyatarka aku nẽ ẽngẽr thõõth cĩ eetu loota.
Ẽngẽr katĩ nẽ thõõth cĩ eetu gõõla cĩ edeemothi,
ĩthõng ẽngẽr eet thõõtha cĩnnĩ ĩcĩ ẽẽn dĩdĩ.