Tẽgẽl 82
Tẽgẽl cĩ Athavĩ.
1 Mĩ aluttiay nyekucnya ngatĩ odoi,
eteedi Nyekuci ĩnõõgõ thõõth, ĩthõng õthõõth ĩthĩ ne,
2 “Eteddu katĩ niigia thoothonniok gõõla cĩ gerthe kuu,
kẽẽl eet cĩk gerthek kĩĩ tĩngan?
3 Etedit thẽk niigia thoothonniok cĩk eet
cĩk athii cĩ tiirti kĩ boyyiok gõõla cĩ edeemothi,
eelit thẽk niigia eet cĩk apĩrna kĩ cĩk ĩtdany eeta ĩnõõgõ.
4 Ellia thẽk niigia eet cĩk athii cĩ tiirti kĩ cĩk apĩrna,
õõkta thẽk ĩnõõgõ athĩnẽy cĩk eet cĩk gerthek.
5 Athii cĩ athĩraryu niigia thõõth ĩmma,
owoyyu niigia muwuratõ,
ĩthõng abarrit lõõcĩ vẽlẽk loota.
6 Kathĩ na ne, ‘Eeginnu niigia nyekucnya.
Eeginnu niigia vẽlẽk dõõlĩ cĩk Nyekuc cĩ Ijiar vẽlẽk.’
7 Ĩthõng thĩ kẽnnẽ, adaaknu katĩ niigia kĩ eeta kaganoko,
adaaknu katĩ kĩ makayyiowa gwuak vẽlẽk.”
8 Nyekuc, tĩnga jiena, ĩthõng etedu thõõth cĩ loocu,
nyatarka ẽẽn eeta cĩk loocu vẽlẽk dõõlĩ cugunik.