Tẽgẽl 81
Ẽẽn tẽgẽl cĩ Athavĩ coo, cĩ makayyioit cĩ tegeluanu.
1 Ebelliothĩk niigia Nyekuc cĩ ẽẽn tiirthẽt cĩnac talintia,
ebelliothĩk Nyekuc cĩ Yokobo moloowa cobbi!
2 Ithiantaĩ niigia tẽgẽl, ĩthõng otomoththu cõõrĩna,
uruit kidõrẽt kemedit.
3 Ũtũbẽc niigia otoon cĩ mĩrkĩcõ Nyĩĩlowa cĩ Jõr,
ĩthõng utubuyyu katĩ ngĩ atalany nyĩĩloĩ jurrung
kõrra cĩ peyian cĩnang,
4 ẽẽn coo ngiran cĩ Ĩthraĩlĩ,
cĩ balna aduwa Nyekuci cĩ Yokobo.
5 Aari balna nẽ ngiran coo, nyatarka Yothẽbõ,
kõrra wũ balna uukõnẽ nẽ kĩ eet cĩk Ijibi,
ngaatĩ balna kathĩkna thõõth cĩ athii cĩ kagawua.
6 Õthõõth balna nẽ athĩ ne, “Kẽnyẽhẽ balna na ngatĩvõrĩ
ijjio cĩk adĩngdĩngĩ gaavũanĩy cĩgĩk,
kõõga balna na athĩn cĩgĩk
dongowa cĩ adĩngdĩngĩ.
7 Pĩrnanta cunung, utuvvuyyiangũ balna niigia aneeta,
ĩthõng keellung na,
kedecung balna na agiit diitha
cĩ ayak borowec cĩ icciayyi,
katĩmannung balna na agiitia
maamĩy cĩk Meriba.a
8 “Eeta cĩganniek, ĩthĩrarit thõõth cĩ katiriththung na,
eeta cĩk Ĩthraĩlĩ, mĩ woccia athĩknangũ aneeta dõ!
9 Nyĩ thẽk ayakcu niigia nyekuc cĩ rẽẽng kõrgẽna cunung,
nyĩ thẽk alayyu niigia nyekuc cĩ rẽẽng.
10 Keeni na Makayyioit Nyekuc cunung,
wũ balna kayahanung Ijiba.
Ubuit kutugeti cuguk jurrung,
ĩthõng kaanyung katĩ na dainit.
11 “Ĩthõng thĩ, athii woccia balna cĩ athĩkna eeta cĩganniek aneeta buu,
athii woccia cĩ ẽlẽmnya eeta cĩk Ĩthraĩlĩ aneeta.
12 Ngaatĩ kaanyĩcẽ balna na ooti cĩgĩk kokomit,
kowobit goolliok cĩgĩk.
13 Mĩ kĩthĩraryia woccia eeta cĩganniek aneeta,
mĩ woccia kowobit eeta cĩk Ĩthraĩlĩ goolliok cĩganĩk,
14 kagami woccia na mĩrõk cĩgĩk tamanoko,
ĩthõng kũtũwũwa athiit cannĩ kuuk ĩnõõgõ!
15 Alugunyi woccia eeta cĩk aaburneei
Makayyioit nguuma cĩnnĩ,
ĩthõng alna woccia ukwẽẽntĩ cĩnĩng kũdũt.
16 Ĩthõng thĩ kẽnnẽ, woccia alingitienu niigia
gẽẽmẽy cĩk abũnna õrrõt kũdũt,
ĩthõng kaanyung woccia na uduit
lotec cĩ longolo laaraba ĩcaacõ.”