Tẽgẽl 79
Tẽgẽl cĩ Athavĩ.
1 Nyekuc, agamit balna loociowa looc cunni,
ẽgẽrẽthanit nẽẽgẽ Ciith cunni cĩ Dĩhĩmĩ,a
athaanitõ nẽẽgẽ Yeruthalẽm kithii.
2 Uungni balna nẽẽgẽ eleeti cĩk eet cugunik,
kivitia kadait kodobbwuana ĩnõõgõ,
ĩthõng adak kẽlẽgẽ cĩk bõõnak eet cugunik cĩk callĩk.
3 Atduuta balna nẽẽgẽ biyyie cĩk eet cugunik cĩk õgõõn
kĩ maama cĩk õyõkõn Yeruthalẽm vẽlẽk,
ĩthõng ithii eeti cĩ ada ĩnõõgõ tõõ.
4 Adaaccet loociowa cĩk kaarõna ageeta,
ĩthõng atararyiet eeta ageeta thõng.
5 Makayyioit, avaracĩcet katĩ niia ageeta kuumuc kĩĩ tĩngan?
Atũũthĩ katĩ varacĩ cunnie kĩ gua kuumuc kĩĩ tĩngan?
6 Duutik varac cunni loociok
cĩk athii cĩ alayyi aniitia,
kabicõnĩnẽ cĩk athii cĩ alayyi aniitia.
7 Nyatarka uruit balna nẽẽgẽ eet cĩk Yokobĩ,
ĩthõng athaanitõ looc cĩnĩng.
8 Nyĩ uukcet niia ageeta, nyatarka gerthetin
cĩ õõ baangietĩ cĩgaak cĩk baa lõõla,
tamatĩhet niia ageeta yoko,
nyatarka ithii elinti cĩnang tõ.
9 Nyekuc Ellioit cĩnang, elet niia ageeta,
nyatarka bulẽnĩt cĩ thar cugunik,
õgaẽt niia ageeta, ĩthõng atamatĩhet gerthetin cĩnang,
nyatarka thar cugunik.
10 Nyia woccia kijintet loociowa kentehet ne,
“Aavĩ Nyekuci cunung wo nga?”
Anyet niia kĩcĩnta gõõl cĩ uuke niia loociok,
cĩk balna atduuta biyyie cĩk ticcianniok cugunik.
11 Thĩk woccia niia da tuluwi cĩ eet cĩk balna agamnyi,
tiirthẽta cĩ ĩbaa cunni,
ẽẽla niia eet cĩk etedothi daaĩthĩ.
12 Makayyioit, uuk niia loociok cĩk kaarõna kĩ ageeta ngõnana tũrgẽrẽm,
nyatarka dacinet cĩ adaacci nẽẽgẽ aniitia wo.
13 Ĩthõng naaga eeta cugunniek, kattĩyya kĩ athaa, ĩthõng ĩthĩ niia Tũwayyioit cĩnang,
kadihiththi katĩ naaga aniitia kũdũt,
dõõlẽnĩy ĩcĩk doolenu ĩcĩk katĩ ngaanĩ arittiay,
kahadana katĩ naaga ngĩ kadihiththi aniitia.