Tẽgẽl 75
Ẽẽn tẽgẽl cĩ Athavĩ coo, cĩ eyeleei makayyioiti belliok kebelit. Bẽl tẽgẽl coo moloowa cĩ belinit cĩnnĩ, cĩ athĩ nẽ, “Nyĩ athaani niia.”
1 Nyekuc, kennecci naaga aniitia ne, “Ibalallẽ,”
kennecci ne, “Ibalallẽ,”
nyatarka aavutõ thara cugunniek joonui ĩcĩnang,
ĩthõng ẽkẽb eeta thoothonniok cugunik cĩk anatti.
2 Athĩ niia ne, “Kẽbẽra na itin
cĩ kẽtẽdẽ thõõth jurrung.
3 Mĩ õmmõtĩ lõõcĩ kõdõwẽ kĩ eet cĩgĩnĩk,
aneeta cĩ kagami kitiirua cĩgĩnĩk kokomit.
4 Kennei na eet cĩk ẽngẽrẽn ne,
‘Nyĩ ngaanĩ engerennu,’
ĩthõng kĩ eet cĩk gerthek kennei ne,
‘Nyĩ odongnyu ooti cuguk.
5 Nyĩ odongecu ooti cuguk tammutiddin othooththu buth,
nyĩ othooththu engerennu.’ ”
6 Athii eeti cĩ aku tõõna ĩcĩ alibanĩ kõr, kõdẽ ĩcĩ okolothĩcẽ kõr,
kõdẽ ĩcĩ baath ĩcĩ õdõõĩ kak, cĩ woccia adĩhĩth et.
7 Ĩthõng thĩ kẽnnẽ, Nyekuc cĩ ẽtẽd thoothonniok.
Uuki nẽ et ĩmma looc, ĩthõng ĩdĩhĩth ĩmma.
8 Ayak Makayyioiti lõkũlkũl cĩ varac cĩnnĩ,
cĩ abbĩththĩ mertia cĩ aduuvi,
cĩ õngõtanni kĩ gimma cĩ anyi kĩĩ gẽrtha õrrõt,
atĩla nẽ mẽrtẽ nĩcẽ,
kĩĩ kũwũdĩt eeta cĩk gerthek cĩk loocu kedeciak.
9 Ĩthõng thĩ, kaduwa katĩ na thõõth coo kũdũt.
Kebelei katĩ Nyekuc cĩ Yokobĩ dĩhĩthẽnĩt.
10 Athĩ Nyekuci ne, “Kathaani katĩ tiirthẽt vẽlẽk
cĩ eet cĩk gerthek, ĩthõng thĩ,
kaanyi katĩ eet cĩk Nyekucak jiariniet.”