Tẽgẽl 70
Ẽẽn tẽgẽl coo cĩ Davide, cĩ lawintio cĩ eyeleei makayyioiti belliok kebelit.
1 Nyekuc, ẽẽlawa tamanoko,
Makayyioit, ijjia ẽẽlawa tamanoko.
2 Anyĩk woccia niia eet cĩk ẽrẽppanna ngĩ arukca aneeta,
kumuddia ngawani, ĩthõng atalmanyantẽ,
anyĩk woccia niia eet cĩk ẽbẽlbẽl, nyatarka hecinit cannĩ,
kimiiryie, ĩthõng umuddia ngawani.
3 Anyĩk woccia niia eet cĩk arannia aneeta
kimiiryie, nyatarka ngawani cĩnĩng.
4 Ĩthõng thĩ kẽnnẽ, anyĩk woccia niia eet vẽlẽk
cĩk ẽrẽppanni aniitia, kebelbelit, ĩthõng atalit ĩcunni,
anyĩk woccia niia eet cĩk amĩnan elinit cunni
kĩĩtõ dõõkĩthĩ ne, “Maka Nyekuci.”
5 Ĩthõng thĩ, kapĩrna na, ĩthõng kidiimi aniitia.
Nyekuc, ijjia ĩcannĩ taman.
Eeni niia Ellioit cannĩ kĩ Oguanĩt cannĩ.
Makayyioit, ijjia taman!