Tẽgẽl 67
Ẽẽn tẽgẽl coo, cĩ eyeleei makayyioiti belliok kebelit, ĩthõng uruit kidõrẽta.
1 Nyekuc, amannĩcet woccia niia ageeta, ĩthõng agatanneta,
anyĩk woccia lanyĩt cĩ nguum cunni kũtũkũlet ageeta.
2 Kĩĩ woccia kagayyie goolliowa cugunniek loota ngato,
ĩthõng illimanit woccia eeta vẽlẽk elianĩt cunni.
3 Nyekuc, anyĩk woccia baai thẽk
eet cĩk loociowu kidihiththi aniitia,
anyĩk woccia baai ĩnõõgõ
vẽlẽk kidihiththi aniitia.
4 Anyĩk woccia niia loociok vẽlẽk katalit,
ĩthõng ebelliõy bẽlbẽllõna,
nyatarka agami niia eet bũnnatina,
ĩthõng atirithi loociok loota ngato.
5 Nyekuc, anyĩk woccia baai thẽk
eet cĩk loociowu kidihiththi aniitia,
anyĩk woccia baai ĩnõõgõ
vẽlẽk kidihiththi aniitia.
6 Abiiri katĩ lõõcĩ jurrung,
ĩthõng katĩ ikiyyia agatannet Nyekuci cĩnac
teedintia cĩ abũnna.
7 Nyekuc, agatannet katĩ niia ageeta,
ĩthõng ivitia katĩ otongolliei
eeta cĩk looc vẽlẽk aniitia.