Tẽgẽl 63
Ẽẽn coo tẽgẽl cĩ Davide. Ẽbẽl balna nẽ tẽgẽl coo balna ngĩ aavĩ bõõnatõ ĩcĩ Yudaa.
1 Nyekuc, eeni niia Nyekuc cannĩ,
kadiimnyi aniitia õrrõt,
adiimnyi ririwacĩ cannie aniitia õrrõt
kĩ ngĩ kadiimi maam,
abarriteci ẽlẽ cannie aniitia õrrõt,
looca cĩ õdõõĩ, cĩ athii maama tõõ.
2 Kacinni balna na aniitia Ciitha cĩ Nyekuco,
ĩthõng kĩcĩna tiirthẽt cunni kĩ bulẽnĩt cunni.
3 Nyatarka abũnna mĩnanĩ cunnie kijiar rũgẽt,
adihiththi katĩ kũtũgĩ cannie aniitia.
4 Kadihiththi katĩ na aniitia
wathinniowẽy cĩk rũgẽt cannĩ vẽlẽk.
Kala katĩ na thar cugunik
ngĩ kodongi athĩn cĩganĩk tiddina.
5 Ĩcaa katĩ ririwacĩ cannie kaavu
kĩcĩ adak dainit cĩ abũnna cobbi,
kebeleci katĩ na aniitia tegelua
kũtũga cannĩ talintia.
6 Kahadani na lobela cannĩ,
kamukci na baalin kaal.
7 Nyatarka eeni niia Ellioit cannĩ,
kebellie na ria cĩ kavutanẽ cugunik.
8 Odongnothici ririwacĩ cannie aniitia,
athunnia aneeta athiiti cunnie cĩ athio.
9 Aruwue katĩ eeta cĩk adiim ngĩ arukca aneeta.
Adawothi katĩ nẽẽgẽ tõdõway loowa cĩ wuuni.
10 Aruwue katĩ nẽẽgẽ jora,
ĩthõng adait eleeti cĩgĩk kireeruana.
11 Ĩthõng thĩ, ẽbẽlbẽl katĩ alaanĩ Nyekuca.
Eeta vẽlẽk cĩk abũtan thaarĩy cĩk Nyekucak,
adĩhĩth katĩ ĩnõõnõ,
ĩthõng kutugeti cĩk volongnyiawu,
aatĩ katĩ tiv.