Tẽgẽl 54
Ẽẽn tẽgẽl cĩ Davide coo, cĩ eyeleei makayyioiti belliok kebelit. Ẽbẽl balna Davide tẽgẽl coo, baa ngĩ õvvõ eeta cĩk Thibia ĩcĩ alaan Thaulo, ĩthõng entek ĩnõõnõ ne, “Athii cĩ alugunyi Davide looca ĩcĩnang.”
1 Nyekuc, ẽẽla aneeta, nyatarka thar cugunik,
ẽẽlawa kaavu jurrung makathĩta cunni.
2 Nyekuc, thĩk lawinit cannĩ,
thĩrar thoothonniok cĩk kũtũk cannĩ.
3 Uukca aneeta mõdẽẽna,
adiim thẽk eeta cĩk gerthek ngĩ arukca aneeta,
athii cĩ alnai nẽẽgẽ Nyekuc.
4 Ĩthõng thĩ, kayai na Nyekuc cĩ ẽẽn Ellioit cannĩ.
Athũnnĩ Makayyioiti rũgẽt cannĩ.
5 Tũwũ niia gerthetin cĩ atukwuan mĩrõwa cĩganniek wo,
kũũk ĩcĩnĩng, ruk ĩnõõgõ,
nyatarka athũnnẽ niia thõõth cunni.
6 Makayyioit, kaanyi katĩ na aniitia
gii cĩ cavĩto thĩnĩna cannĩ dĩdĩ.
Kadihithi katĩ na thar cugunik,
nyatarka abũnna nẽẽgẽ.
7 Nyatarka ẽẽlawa balna niia aneeta
thoothiowẽy vẽlẽk ĩcĩk gerthek,
ĩthõng ẽẽla balna niia aneeta
kijiar mĩrõk cĩganĩk.