Tẽgẽl 53
Ẽẽn tẽgẽl cĩ Davide coo, cĩ eyeleei makayyioiti belliok kebelit.
1 Athĩ giitheeiti thĩnĩna cĩnnĩ ne,
“Athii Nyekuci tõ.”
Ẽgẽrẽthantõy nẽẽgẽ vẽlẽk,
ĩthõng ĩdĩmanit thoothonniok cĩk gerthek wak,
athii eeti ĩmma cĩ adĩman thõõth cĩ abũnna tõ.
2 Acĩn Nyekuci tammuatiddina eet looc vẽlẽk,
kĩĩ katĩ kĩcĩn mĩ aatĩ eeta gwuak cĩk aga Nyekuc,
kõdẽ aatĩ eeta gwuak cĩk ẽrẽppan Nyekuc.
3 Ẽngẽlanit balna eeta vẽlẽk,
ĩthõng ivitia nẽẽgẽ vẽlẽk ẽgẽrẽthantẽ,
athii eeti cĩ atican thoothonniok cĩk abũnna tõõ,
kothii nẽnnẽ codoi doo kaganoko.
4 Aliman thẽk katĩ eeta cĩk gerthek thõõth cĩ abũnna?
Eet cĩk adak nẽẽgẽ eet cĩganĩk
kĩcĩ aduk eeta ahat cĩ avaadiay,
ĩthõng ĩthĩnga ala Nyekuc.
5 Agam balna ĩnõõgõ tõngõlõnĩ õrrõt kũdũt,
kõdẽ woyyia ma ngĩ athii cĩ amũdanĩ nẽẽgẽ
kaal cĩk anyi ĩnõõgõ kotongollie.
Athaan katĩ Nyekuci ammẽ cĩk mĩrõk cuguk.
Anyciwu katĩ niigia ĩnõõgõ kangawanit,
nyatarka ũtũbũr balna Nyekuci ĩnõõgõ.
6 Kadiimi woccia na elianĩt cĩ eet cĩk Ĩthraĩlĩ kikiyyia Thiona!
Mĩ õbõdaĩ Nyekuci eet cĩgĩnĩk kaavutõ jurrung,
anyĩk eet cĩk Yokobĩ kebelbelit,
ĩthõng atalit eeta cĩk Ĩthraĩlĩ!